ОЧЛ. "Пахтакор"га қарши ўйин олдидан "Ал Ҳилол"нинг 5 футболчисида коронавирус аниқланди
12 сен 2020 20:37
Янгиликлар
ОЧЛ. "Пахтакор"га қарши ўйин олдидан "Ал Ҳилол"нинг 5 футболчисида коронавирус аниқланди
Бу ҳақда хабар берган эдик.
Осиё футбол Конфедерацияси Қатар Соғлиқни сақлаш вазирлиги билан ҳамкорликда Чемпионлар лигаси (ғарбий минтақа)да иштирок этадиган жамоаларни Доҳага келишлари билан аэропортнинг ўзида COVID-19 учун тест назоратидан ўтказишди. Унга кўра, тест жавоблари чиқмагунга қадар ҳеч ким меҳмонхонадан ташқарига чиқмаслиги керак.
Бугун ана шу тест натижалари шуни кўрсатдики, Саудия Арабистонининг "Ал Ҳилол" жамоасидан 5 нафар футболчи ва раҳбариятидан 1 нафар ходимнинг коронавирусга топширган тести ижобий чиққан. Бундан ташқари, Қатарнинг "Ал Дуҳайл" жамоаси футболчиси (1 нафар)да ҳам вирус аниқланган.
Юқоридаги ҳар икки клубга ҳам керакли тиббий ёрдам ва хизмат кўрсатилмоқда. Тест натижалари ижобий чиққанлар эса карантинга олинган ва тиббиёт ходимлари назоратидалар. Сабаби, буни мусобақа учун қабул қилинган COVID-19 хавфсизлик чоралари ва протоколлари талаб этади.
Эслатиб ўтамиз, "Ал Ҳилол" ОЧЛнинг "B" гуруҳида "Пахтакор" билан бирга жой олган. 14 ва 17 сентябрь кунлари айнан улар ўзаро ўйин ўтказишлари керак.
Ўхшаш янгиликлар
championat.asia
U-17 ЖЧ. Ўзбекистон Италияга ютқазиб, иштирокини нимчорак финалда якунлади
Al Ain Cup. Ўзбекистон пенальтилар сериясида Эронни мағлуб этиб, турнир ғолибига айланди
ЖЧ саралаши. Португалия Роналдусиз рақиб дарвозасига 9 та тўп киритиб, мундиалга чиқди
"Шармандалик, бу шармандалик!"
Фикрлар