2017 йилнинг энг қизиқ 7та футбол ўйини (Android/iOS)
18 янв 2018 17:14
Янгиликлар

2017 йилнинг энг қизиқ 7та футбол ўйини (Android/iOS)

Андроид смартфонлар ёки Apple компаниясининг iOS тизимида ишловчи iPhone аппаратлари ҳаётимизнинг ажралмас бўлагига айланиб қолди.

Бўш вақтимизда зерикмаслик учун ушбу смартфонларда турли ўйинлар ўйнаймиз, мусиқа эшитамиз. Эътиборингизга сиз учун қизиқ бўлган футболга оид 7та мобил ўйинни тақдим этамиз.

Retro Soccer

Minecraft графикаси услубида ишланган ушбу ўйин эски платформалар ишқибозлари учун ажойиб совға. Денди ва Сегада футбол ўйнаган йигит ва қизлар "Retro Soccer"ни севиб қолишлари аниқ. Турли терма жамоаларни бошқариб, жаҳон чемпионатида иштирок этиш ва унда ғолиб бўлиш имкониятини қўлдан чиқарманг.

Real Football 2018

Ҳақиқий футболга ўхшаб кетадиган "Real Football"да ажойиб режим бор. Унда дўстларингиз билан 5га5 футбол ўйнашингиз мумкин. Бундан ташқари, ўйинда агентлик тизими мавжуд. Сиз футболчиларингизнинг савиясини ошириб, уларни сотишингиз ёки бошқа клублардан ўйинчилар харид қилишингиз мумкин.

Pixel Cup Soccer 16

Аёллар футболи, 18 та стадион, мултиплэйр режим, турли лигалар мавжуд бўлган Pixel Cup Soccer 16 сизга ёқиб қолиши аниқ. Ретро услубда ишланган ўйинда сирпаниш (подкат), дриблинг ва зарбадан фойдаланиб рақибларингизни таслим этинг.

Score! HERO

3D графикага эга ушбу ўйин орзуларингизни ҳеч бўлмаса ўйинда рўёбга чиқишини таъминлайди. Исмингизни ёзинг ва номингиз туширилган футболкали футболчини Европа грандлари тўпурарига айлантиринг. Физика қонунларига тўлиқ амал қилувчи ушбу ўйинда голлар уриб, чемпион ва футбол юлдузига айланинг!

SkillTwins Football Game 2

10 мингдан ортиқ босқич билан бойитилган ўйинда телевизорда кўрган финтларингиздан фойдаланиш имконияти бор. Турли шаҳарлар, футзал аренаси финтларни намойиш этиш учун ажойиб жой. Роналду, Роналдиньо, Мессининг ҳаракатларини такрорланг ва совринларни қўлга киритинг. Иложи йўқ нарсанинг ўзи йўқ.

PES2018

Дунёнинг машҳур футбол симуляторини смартфонингизда ҳам синаб кўринг. Севимли клубингиз ва футболчиларингиз билан катта муваффақиятларга эришинг. Чемпионлар лигаси, афсонавий футболчилар мавжуд бўлган PES2018дан роҳат олинг. Дўстингиз бу ўйинни сиздан яхши ўйнай олишини айтяптими, унда мултиплэйр режимида бундай эмаслигини исботланг.

FIFA Soccer (FIFA Mobile)

Дунёдаги биринчи рақамли футбол симулятори FIFA энди телефонларда. Ўзингизнинг "ULTIMATE TEAM"ни яратинг, футбол афсоналарининг очинг ва шунчаки футболдан роҳат олинг.