Зоир Тўрақулов: "Шўртан"да янги футболчиларни синовдан ўтказаяпмиз"

Ўйин тугагач "Шўртан" бош мураббийи Зоир Тўрақуловнинг фикрлари билан қизиқдик.

"Футболчиларга жисмоний юкламалар бериб бораяпмиз, орада ўртоқлик учрашувлари ҳам ўтказилмоқда. "Обод", "Оқ-тепа" мана бугун "олмалиқ"қа қарши ўйнадик. Бир қатор янги футболчиларни кўрикдан ўтказаяпмиз. Хуршид Хўжаев, Ҳасанбой Эргашев, Маъруф Муродов, Кенжа Тўраев, Холмурод Холмуродов ва Аббос Омонов шулар жумласидан. Ҳозирча ҳеч бир футболчи билан шартнома тузганимиз йўқ, барча янгилар кўрикдан ўтишмоқда".

"Энди жамоага 3 кунлик дам берамиз. Февраль ойи бошидан яна Тошкентда тўпланамиз. 5 февраль куни ПФЛ кубоги старт олади, ушбу мусобақада қатнашамиз".

"Жамол Отақулов мени ҳимоячи сифатида қониқтиради, шу боис ҳам яна жамоага қайтардик. Бу мавсумда Отақуловга яна имконият берамиз. Асрор Алиқулов ўйновчи мураббий бўлиб фаолият олиб боради. У зарур вақтда майдонга тушиши мумкин", - дейди Зоир Тўрақулов.