

"Килиан Мбаппега ПСЖни тарк этишни маслаҳат берганман. Унга "Реал Мадрид"даги каби тизимлироқ муҳит керак", — деди Ибрагимович.

Эслатиб ўтамиз, Килиан Мбаппенинг ПСЖ билан амалдаги шартномаси мавсум охиригача амал қилади. Ёз фаслида форвард эркин агент сифатида "Реал"га ўтиши мумкин. Шу билан бирга, Мбаппе қишда Мадрид клуби билан дастлабки шартномани имзолаш ҳуқуқига эга ҳисобланади.



