UZ

Сўнгги янгиликлар

00:01Англия финалда Испанияни мағлуб этиб, аёллар ўртасидаги Евро-2025 ғолибига айланди  5 23:38Артур Испанияга қайтиши мумкин  0 23:15Доннарумма "Галатасарой"дан таклиф олган. Истанбулликлар дарвозабоннинг ПСЖ билан музокараларидаги қийинчиликдан фойдаланмоқчи  0 22:40"Ал Насср" Феликсдан сўнг ЖЧ ғолибини нишонга олди  5 22:16Диас "Бавария"га 75 млн евро эвазига ўтмоқда, томонлар барчасини келишиб олишди. "Ливерпуль" вингери 4 йиллик шартнома имзолайди  5 21:48"Ювентус" машғулотларни ўтказиб юборгани учун Дуглас Луисни 40-120 минг евро жаримага тортади. Хавбек Англияга йўл олмоқчи  0 21:21"Милан" "Реал"дан Фран Гарсиянинг нархини сўради. "Қироллик клуби" эса...  0 20:56Хави Симонс Лондон клубига ўтишга тайёр  0 20:18Томас Мюллер МЛСнинг "Ванкувер Уайткепс" клуби билан фаол музокаралар олиб бормоқда  2 19:40"Ал Насср" Антони бўйича таклиф билан чиқди. МЮ вингер учун 50 млн фунт олмоқчи  4 19:14Гвардиола мўйловини ўстирди  11 18:45Ўртоқлик ўйини. "Арсенал" ва "Ньюкасл" ўртасида Сингапурдаги ўйинда 5 та гол урилди  2 17:50"Реал" ўйинчисини 13,5 млн евро эвазига қайта харид қилиш ҳуқуқи билан сотди  0 17:21"Барселона" "Виссел Кобе"ни мағлуб этди, Рэшфорд дебют ўйинини ўтказди  2 16:57Феликс 30+20 млн евро эвазига "Челси"дан "Ал Насср"га ўтади - Фабрицио Романо  5

Зинедин Зидан: "Ҳозирча ҳеч нима ютмадик" Янгиликлар

Зинедин Зидан: "Ҳозирча ҳеч нима ютмадик"

Зидан "Атлетик Бильбало"га қарши ўйиндан аввал матбуот-анжуманида саволларга жавоб берди.

Мураббий бўлажак ўйин, тақвим, Азар, Бензема, марказий ҳимоячилар ва Родригонинг ҳолати, мақсадлари ҳақида гапириб ўтди.


Ўйин ҳақида
"Бизни жуда муҳим учрашув кутиб турибди: "Сан-Мамес" меҳмонлар учун доим оғир стадион бўлиб қолади ва биз вазиятни жуда яхши тушуниб турибмиз. Одатдагидек, яхши ўйин кўрсатиш ниятидамиз ва бунга тайёрмиз".


Эден Азар ҳақида
"Эден баъзи оғриқларни ҳис қилди – ҳеч ким таваккал қилишни истамайди ва у биринчи навбатда. Умид қиламанки, жароҳат жиддий эмас ва биз уни мавсум якунлангунга қадар майдонда кўрамиз. У яна 3-4 кундан кейин умумий машғулотларга қайтади – бу муаммо тезда ўз ечимини топишига ишонаман".

"Докторлар ва физиотерапевтлар – ўз ишининг устаси. У зарба қабул қилиб олди ва бир неча кун жамоага ёрдам бера олмайди: "Эспаньол" билан ўйинда унинг оёғига берилган зарба туфайли Эден ҳозирча майдонга туша олмайди".


Карим Бензема ва солиқ можаролари
"Бу шаҳсий масала. Мен у билан бу мавзуда гаплашган тақдиримда ҳам уни ОАВда муҳокама қилмайман. Руҳан Карим ажойиб ҳолатда ва ўйинга тўлиқ тайёрлигини айта оламан".

"Мадрид" футболчиси ва мураббийига бўладиган босим борасида 
"Мадрид"да доим босим бўлади. Шунинг учун ҳам бу буюк клуб. Босим аввал ҳам бўлган, ҳозир бор, кейин ҳам бўлади. Ишимизнинг завқли томони ҳам шунда аслида".


Тибо Куртуа ҳақида
"Тибо буюклигини исботламоқда. Ҳозир ким энг яхшилигини айтиб ўтирмайман, бу борада ҳар кимнинг ўз фикри бор. Тибонинг статистикаси ва майдондаги ҳаракатлари мақтаса арзигулик. Шогирдларим курашга чанқоқ эканлигидан хурсандман – дарвозани "қуруқ" сақлаб қолиш осон иш эмас".


Жамоанинг жисмоний ҳолати борасида
"Ҳозир муҳим бўлмаган нарсани ўзи йўқ – жуда кам ўйин қолмоқда, концентрацияни йўқотмаслик муҳим. Тикланиш жараёни, машғулотлар барчасида алоҳида эътибор зарур. Бу финалга элтувчи йўл ва бизда ортиқча муаммолар йўқ"


Тақвим ва 23:00 ҳамда 15:00 (маҳаллий вақт билан) даги ўйинлар ҳақида
"Вақт ўзгариши бизга қанчалик таъсир ўтказади билмайман. Биз ҳар сафар ўйин вақтига иложи борича яқин соатларда машғулот ўтказишга ҳаракат қиляпмиз. Бу футболчилар учун тахминан ўша шароитга тушиш имконини беради. Тақвимни биз тузмаймиз, шундай экан олдимизда фақатгина майдонга тушиб, ғалаба қозониш варианти қолмоқда".


Азар билан муносабатлари ҳақида
"Биз жамоадаги ҳеч ким жароҳат олишини истамаймиз, кимдир сафдан чиқиб, ўйиндан четда қолиши – бу мен учун энг ёмони. Эден "Мадрид"даги биринчи мавсумини ўтказмоқда, у жамоага ёрдам беришни истайди ва буни амалга ошира олмаса, ўзини эркин ҳис қилолмайди. Бу ажойиб. Ушбу сифатлар Эден жамоа манфаати учун нақадар жон куйдиришини билдиради".


Азар яна жароҳат олишдан қўрқиб қолганми?
"У футбол ўйнашни истайди ва жароҳат олишдан қўрқади деб ўйламайман: Эден ҳам, жамоадаги бошқалар ҳам у 100% тайёр бўлишини истаймиз".

Милитао ҳақида
"Милитао – жамоада янги, ундан Рамос ва Рафа даражасига чиқиш учун ҳаммаси бор: у ўз ишини чин дилдан бажаришга ўрганган, бугун у асосий таркибда майдонга тушади. Ундан кўнглим тўқ".


Ла Лига ҳақида
"Карантиндан кейин жамоа кўп нарсага қодирлигини исботлади. Эйфорияга берилмаслик зарур, чунки ҳозирча ҳеч нима ютмадик: ҳозир биз фақат ўз ишимиз, ўйинимиз ва ғалаба ҳақида ўйлаяпмиз".


Родригонинг жисмоний ҳолати ҳақида
"Барчаси жойида, у ўз устида ишламоқда, мунтазам кучайиб бормоқда: Родриго – яхши йигит, ва биз унинг кучли томонларидан фойдаланяпмиз. Умид қиламан, у шундай давом этади ва яқин йиллар ичида жамоа етакчисига айланади".

Рейтинг: +13   

Фикрлар

championat.asia
< сўнгги янгиликларни кўриш
Яндекс.Метрика