Зидан “Сити”га қарши баҳсдан кейин нималар деди?
08 авг 2020 03:30
Янгиликлар

Зидан “Сити”га қарши баҳсдан кейин нималар деди?

“Реал” (Мадрид) клуби бош мураббийи Зинедин Зидан ЕЧЛ 1/8 финали жавоб учрашувида “Манчестер Сити”дан (1:2) учралган мағлубиятдан кейин ўз фикрлари билан ўртоқлашди.

“Мағлуб бўлганингдан кейин ўзингни бахтлиман деб айтолмайсан, аммо биз бу мавсумда амалга ошира олган ишимиз билан фахрлансак арзийди. Ўзимни оқлаш вақти эмас. Биз бу ўйинда мағлуб бўлдик, аммо мен жамоамиз ўйини кучайгани билан фахрланаман.

Биз ҳар иккала баҳсда ҳам мағлуб бўлдик ва рақиб ғалаба лойиқ эканлигини тан олишга мажбурмиз. Ўйиннинг дастлабки 15-20 дақиқасида рақибнинг кучли босимига дош беролмаймиз, деб ўйлагандим. Сўнгра ёмон ўйнамадик. Икинчи бўлимда ташаббус бизда бўлиб туриб, иккинчи голни ўтказиб юбордик.

Варанни хатоси ҳақида гапирадиган бўлсам, ҳар қандай холатдаям совуққонликни сақлаб қолиш лозим! Жамоамиздаги 95% футболчи сингари у мавсумн ажойиб тарзда ўтказди. Мен уни ҳимоя қилишда давом этаман. Биз мавсумни яхши нотада якунламадик, аммо мавсум давомида амалга ошира олган ишларимиздан мамнунман”, деди Зидан.

Ҳавола :

Манба : sports.ru

Янгиликларни Телеграмда ўқинг!

Рейтинг: +36