Зидан Роналдуни захирага олгани ҳақида: Мен шунчаки унга дам олиш имкониятини бердим

“Криштиану бу Криштианудир. У ўз фаолияти давомида ҳар мавсум 50 тадан гол уриб келмоқда. Алмаштириш? Мен шунчаки унга ҳордиқ олиш имкониятини тақдим этдим. Бизда ўйинлар кўп, шу сабабдан унга баъзида дам олиш зарур. Унга эса ҳозир шу керак. У кундан кунга кучли бўлиб бормоқда, сиз буни кўришингиз мумкин. “Атлетико” билан ўйинимиздан қониқдим. Аммо биз кўпроғига лойиқ эдик. Бизда жуда кўплаб имкониятлар бўлди. Ўз ўрнида ютқазиб қўйишимиз ҳам мумкин эди”, — деди Зидан.