ЖЧ-2013 (U-17). Диққат қилинг, Фужайрадан гапирамиз!
21 окт 2013 19:35
Янгиликлар
ЖЧ-2013 (U-17). Диққат қилинг, Фужайрадан гапирамиз!
Бугун эрталаб бир нечта юртдошлар билан Тошкентдан БАА мамлакати сари йўлга чиққандик.
Тушга яқин БААнинг энг йирик шаҳарларидан бири Дубайга етиб келдик. Меҳмонхонада бироз дам олгач, Нодирхўжа Юлдашев иккаламиз Фужайра томон автобусда йўлга чиқдик.
Айни пайтда шаҳардаги “Фужайра” марказий стадионида Хорватия – Панама баҳсининг иккинчи бўлими давом этмоқда. Бу ўйин якунига етгач, гуруҳдан ўрин олган навбатдаги баҳс бошланади. Бунда Ўзбекистон ўсмирлар терма жамоаси Марокаш термасига қарши баҳс олиб боради.
Фужайрадаги стадион жуда ихчам қилиб қурилган. Мухлислар учун фақат иккита трибуна мавжуд бўлиб, дарвозалар орқасида трибуна барпо этилмаган. Шунга қарамай, стадион жуда шинамгина. Айнан футбол ўйнаш учун қурилган деб бемалол айтса бўлади.
Хорватия – Панама ўйинига ташриф буюрган мухлисларни кўп деб бўлмайди. Аксарият ўриндиқлар бўм-бўш. Аммо Тошкент вақти билан 21:00да бошланадиган Ўзбекистон – Марокаш баҳсида стадион ҳаминқадар тўлиши кутиляпти. Чунки то ўйин бошлангунча бу ерга Дубайдан ўзбекистонлик ишқибозларнинг етиб келишлари турган гап. Қолаверса, Марокаш жамоасига ён босадиган бир нечта ишқибозлар аллақачон келиб бўлишди ва стадион ташқарисида Марокаш давлат байроғини кўтарганча ўз жамоаларини олға ундашмоқда.
Боягина Ўзбекистон ўсмирлар терма жамоаси аъзолари стадионга етиб келишди. Футболимиз мутасаддиларидан Асқар Толибжонов (Терма жамоалар маркази директори) билан Фарҳод Магометов (ПФЛ бош директори) ҳам шу ерда ҳозир-у нозир ва улар ҳам вакилларимиз иштирокидаги учрашувни интиқлик билан кутишмоқда.
Хайрулла ХОЛИҚОВ.
Айни пайтда шаҳардаги “Фужайра” марказий стадионида Хорватия – Панама баҳсининг иккинчи бўлими давом этмоқда. Бу ўйин якунига етгач, гуруҳдан ўрин олган навбатдаги баҳс бошланади. Бунда Ўзбекистон ўсмирлар терма жамоаси Марокаш термасига қарши баҳс олиб боради.
Фужайрадаги стадион жуда ихчам қилиб қурилган. Мухлислар учун фақат иккита трибуна мавжуд бўлиб, дарвозалар орқасида трибуна барпо этилмаган. Шунга қарамай, стадион жуда шинамгина. Айнан футбол ўйнаш учун қурилган деб бемалол айтса бўлади.
Хорватия – Панама ўйинига ташриф буюрган мухлисларни кўп деб бўлмайди. Аксарият ўриндиқлар бўм-бўш. Аммо Тошкент вақти билан 21:00да бошланадиган Ўзбекистон – Марокаш баҳсида стадион ҳаминқадар тўлиши кутиляпти. Чунки то ўйин бошлангунча бу ерга Дубайдан ўзбекистонлик ишқибозларнинг етиб келишлари турган гап. Қолаверса, Марокаш жамоасига ён босадиган бир нечта ишқибозлар аллақачон келиб бўлишди ва стадион ташқарисида Марокаш давлат байроғини кўтарганча ўз жамоаларини олға ундашмоқда.
Боягина Ўзбекистон ўсмирлар терма жамоаси аъзолари стадионга етиб келишди. Футболимиз мутасаддиларидан Асқар Толибжонов (Терма жамоалар маркази директори) билан Фарҳод Магометов (ПФЛ бош директори) ҳам шу ерда ҳозир-у нозир ва улар ҳам вакилларимиз иштирокидаги учрашувни интиқлик билан кутишмоқда.
Хайрулла ХОЛИҚОВ.
championat.asia
Ўзбекистон Кубоги. "Насаф" "Пахтакор"га мағлуб бўлиб, гуруҳда қолиб кетди. "Лочин" бу сафар "Сурхон"ни мағлуб этиб, кейинги босқичга йўл олди
Ла Лига. "Реал Мадрид" сўнгги дақиқада гол уриб, "Мальорка"ни мағлубиятга учратди. "Барселона" чемпионликни ўзи ҳал қилишига тўғри келади
Амалдаги чемпион ва кубок соҳиби Ўзбекистон кубоги гуруҳ босқичида қолиб кетди
“Таклиф устида узоқ ўйланмадим, бу биз учун янги чақирув” – Максим Шацкихдан дастлабки фикрлар
Фикрлар