Жамшид Ҳасанов: “Тажриба бобида устунлик қилдик”

Ҳал қилувчи баҳсда ғалаба қозонган “газчилар” сафида энг фаол ҳаракат қилган ўйинчилардан бири Жамшид Ҳасанов финал борасида ўз таассуротлари билан ўртоқлашди:

“ПФЛ кубогини қўлга киритганимиздан бағоят мамнунман. Бугун кўпгина имкониятлардан самарали фойдалана олмаганимизга қарамай, ғалаба қозондик ва бу ютуқ бизга қўшимча руҳ бағишлайди.

Биз янги мавсумга анчадан буён тайёрланиб келмоқдамиз, доимий йиғинлар натижасида йигитлар билан бир-биримизни яхши тушуниб ўйнаяпмиз. Бундан ташқари, тажриба борасида ҳам мусобақадаги рақиблардан устун эканлигимиз бугунги ўйин натижасига ўз таьсирини кўрсатди”.