Жамшид Болтабоев: "Иккинчи бўлимда ўйинимиз ўхшади"

Ҳужумларни бошлаш услуби Одил Аҳмедовни эслатиб юбораётган футболчимиз ўйиндан кейин сайтимизга қисқача интервью берди.

"Биринчи бўлимда ҳимоявий режа асосида ўйнадик ва бу ўз самарасини берди. Аммо ўйин борасида оқсаш бор эди. Танаффус чоғида мураббийимиз бу ўйинда албатта очко олишимиз кераклиги, қолаверса буни миллионлаб ўзбек мухлислари кутиб туришганлигини яна бир бор эслатадилар. Иккинчи бўлимда майдонга чиқдик ва ўйинимиз ҳам ўхшади", - дейди Жамшид Болтабоев.

- Панама билан ўйиндан кейин ҳавотир йўқ эмас эди. Лекин ҳужум чакки бўлмаган эди. Бугун эса ҳимоя яхши ҳаракат қилди. Хорватия билан ўйинда шу иккисини умумлаштира оламизми?
- Албатта бунга ҳаракат қиламиз. Бугун ҳимояда мураббий вазифасини айтганидек бажарганимиздан ҳаммамиз хурсандмиз. Боиси Марокаш ҳужумда кучли ўйнади. Энди кейинги ўйинда ҳам яхши натижа билан ҳамюртларимизни хурсанд қилмоқчимиз.


Нодирхўжа Юлдашев
Фужайра