Зафар Полвонов: "Мақсадим кўпроқ голлар уриш"

"Учрашув тенг курашлар остида ўтди. Бу ўйинда омад бизларга кулиб боқди. "Сўғдиёна" жамоаси ҳам ёмон ўйнамади. Шунчаки бу баҳсда уларнинг омади юришмади. "Сўғдиёна" жамоасининг ҳимоядаги хатоларидан унумли фойдаланиб, кетма-кет голлар уриб олдим. Ғалабада бутун жамоадошларимнинг ҳиссаси катта бўлди деб ўйлайман. Биринчи даврада нега бу даражада ўйнай олмаганимни тўхталадиган бўлсак, жароҳат олганим ва захирада қолиб кетганим ўйинимга бироз ёмон таъсир этганди. Шу боис биринчи давра ўйинларида ўзим истагандек ўйнай олмагандим. Ҳозир эса ҳаммаси жойида, жисмоний ҳолатим ҳам яхши. Умид қиламанки, келгуси учрашувларда ҳам голлар уриб, жамоамга фойда келтираман. Мақсадим имкон қадар кўпроқ голлар уриб, мураббийлар ишончини оқлаш ва мухлисларимизни хурсанд этиш", - дейди Зафар Полвонов.

Эслатиб ўтамиз, "Шўртан" ҳужумчиси Зафар Полвонов Олий лиганинг 17-туридан ўрин олган "Сўғдиёна" - "Шўртан" баҳсида иккита гол киритди ва жамоасига муҳим ғалабани тақдим этди.