"Ювентус"нинг Моратани қўлга киритишига Гризманн тўсқинлик қилмоқда

29 ёшли форвард Туриндаги икки йиллик ижара муддатидан сўнг Испания пойтахтига қайтди. Бироқ "бянконерлар" уни яна ижарага олмоқчи ва битим бўйича "Атлетико" билан музокаралар олиб бормоқда.

Аммо "Атлетико" Гризманнинг ҳолати туфайли Моратани қўйиб юбормоқчи эмас; агар француз кейинги мавсумда "Атлетико"нинг 25% ўйинларида иштирок этса, унинг ижара шартномасидаги банд фаоллаштирилади ва Диего Симеоне мураббийлигидаги клуб "Барселона"га 40 миллион евро тўлашга мажбур бўлади.

Тахминларга кўра, "Атлетико" бунча маблағни сарфламоқчи эмас, шунинг учун Гризманнга бўлган ишончни камайтириш учун Моратани олиб қолиши керак. 2018 йилги жаҳон чемпиони кейинги мавсумда тўлиқ ўйин амалиётига эга бўлмаслиги ҳамда клуб трансферлари рўйхатида эканлиги ҳақида аллақачон огоҳлантирилган, бироқ ҳозирча ҳеч қандай харидордан таклиф келмаган.