“Ювентус” ёзда 8 футболчи билан хайрлашишга тайёр

Манбага кўра, “Ювентус” молиявий бўшлиқни тўлдириш мақсадида жамоанинг бир қатор футболчилари билан хайрлашмоқчи.

“Лион”га ижарага берилган ҳимоячи Маттиа Де Шильо тўлиқ шартнома асосида Франция клуби сафида қолиши мумкин. Бундан ташқари, туринликлар Пауло Дибалани сотиши айтилмоқда. У билан амалдаги келишув эса 2022 йилгача тузилган ва томонлар янги битим бўйича келиша олмаяпти.

Шунингдек, клубдан кетиши кутилаётган футболчилар рўйхатида Мерих Демирал, Алекс Сандро, Адриен Рабьо, Аарон Рэмси, Федерико Бернардески ва Уэстон Маккеннининг номлари ҳам бор.