"Ювентус" Федерико Кьезанинг трансфери борасида келишувга эришди. Ўйинчи бугун тиббий кўрикдан ўтади
05 окт 2020 12:28
Янгиликлар

"Ювентус" Федерико Кьезанинг трансфери борасида келишувга эришди. Ўйинчи бугун тиббий кўрикдан ўтади

"Фиорентина" ҳужумчиси Федерико Кьеза фаолиятини "Ювентус"да давом эттиради.

Турин клуби 22 ёшли футболчини кейинчалик сотиб олиш шарти билан 2 йилга ижарага олади. "Кекса синьора" ўйинчининг биринчи йилги ижараси учун 2 млн евро, иккинчи йил учун 8 миллион евро тўлайди.

Эҳтимолий харид қилиш нархи эса 40+10 миллион еврони ташкил этади. Кьеза бугун, яъни Италияда трансферлар ойнаси якунланадиган кунда тиббий кўрикдан ўтади.

Шу билан бирга "Ювентус" қуйидаги вазифалар бажарилган тақдирда у билан тўлақонли шартнома имзолаши шарт: жамоа Италия чемпионатини топ-4да якунлаши; Кьеза 60% ўйинларда ҳаракат қилиши (уларда 30 дақиқадан кам ўйнамаслиги керак); 10та гол ва 10та ассист.

Ҳавола :

Манба : football-italia.net

Янгиликларни Телеграмда ўқинг!

Рейтинг: +3