"Ювентус": "Альваро Туринга учиб келди!"

Футболчи тез орада "Ювентус" учун тиббий кўрикдан ўтади ва томонлар бугуноқ битимга имзо чекишади.

Олдин хабар берилганидек, "Ювентус" Моратани 45 миллион еврога сотиб олиш ҳуқуқи билан 10 миллион еврога ижарага олмоқда. "Атлетико" футболчини қўйиб юборишга рози бўлди, сабаби унинг ўрнига Луис Суарес билан шартнома имзоланиши мумкин. Қайд этиш керакки, Альваронинг ўзи "Атлетико"дан кетишга ошиқмаётган эди, аммо Мадрид клуби молиявий инқироз пайтида бундай таклифга рад жавобини бера олмади.

Испаниялик футболчи олдин ҳам "Ювентус"да тўп тепган.  Мората Турин клуби таркибида 93та ўйинда майдонга тушиб, 27та гол уришга эришган.