Ўйинчи тўпиғидаги жароҳат сабаб икки ҳафтани ўтказиб юборди.
"У 9 кун давомида машғулот ўтказмади. У Миср термаси ихтиёрида бўлди ва кейин уйга қайтди. Ўйиндан икки кун олдин 60-70 фоиз машғулотда қатнашди. Фақат кеча у бор кучи билан машғулотларда шуғулланди, шунинг учун биз уни асосий таркибга қўямиз ёки йўқ, бу масала борасида қарор қабул қилишимиз керак эди.
Дастлабки дақиқаларда у майдонга чиқмади. Биз уни захирада қолдиришга қарор қилдик, лекин гол урдик. Шу тариқа у бугун дам олди ва бу яхши. Чоршанба куни Салаҳ майдонга қайтади", – деди Клопп.
Қайд этиш керак, 27 ноябрь куни (чоршанба) Европа Чемпионлар лигаси гуруҳ босқичи 5-турида "Ливерпуль" "Наполи"ни қабул қилади.
