Йилнинг энг чиройли голи учун Пушкаш мукофотига номзодлар эълон қилинди

Соврин 2021 йилнинг энг чиройли голи муаллифига топширилади.

Номзодлар рўйхатидан ўрин олган футболчилар: Луис Диас (Колумбия, «Порту») Готье Эн («Валансьен», Франция), Эрик Ламела (Аргентина, «Тоттенхэм»), Валентино Лазаро (Австрия, «Бенфика»), Рияд Махрез (Алжир, «Манчестер Сити»), Сандра Овусу-Анса (Гана, «Спартак» Суботица), Вангелис Павлидис (Греция, АЗ), Даниэла Санчес (Мексика, «Керетаро»), Патрик Шик (Чехия, «Байер»), Мехди Тареми (Иран, «Порту»), Кэролайн Уэйр (Шотландия, «Манчестер Сити»).

Номзодларга ФИФА сайтида овоз бериш мумкин. Ғолиб 2022 йилнинг 17 январь куни Цюрихда эълон қилинади. Ўтган йили ушбу совринни «Тоттенхэм»нинг кореялик ҳужумчиси Сон Хён Мин қўлга киритганди.