Яя Туре Кот-д’Ивуар терма жамоасидан кетди

Narzulla Saydullayev
20 сен 2016
«Манчестер Сити» ярим ҳимоячиси Яя Туре Кот-д’Ивуар терма жамоасидаги фаолиятини якунлашга қарор қилди.

33 ёшли африкалик терма жамоада 100та ўйин ўтказган ва 19та гол урган. Туре терма жамоа билан уч марта Африка кубоги финалига етиб борган: битта ғалаба ва икки мағлубият.

Туре уч марта Жаҳон чемпионатида ҳам иштирок этган. Уч марта ҳам Кот-д’Ивуар гуруҳ босқичидан чиқа олмаган.

Бу мавсумда «Манчестер Сити» бош мураббий қарорига кўра майдонга тушмаяпти.


Narzulla SaydullayevМуаллиф
Манба: officialyayatoure.com