Худди жангари фильмлардагидек...

Футболчи ўзини озод этиш жараёни қандай бўлганини сўзлаб берди.

25 ёшли ўйинчи байрамдан сўнг уйига кетаётган эди. Унинг йўлини бир нечта автомобиллар тўсиб олишди ва ниқобли одамлар Пулидони қўлга олиб, унинг қиз ўртоғига тегишмади.

Маҳаллий полиция хизмати узоқ вақт футболчи қаерда эканлигини аниқлай олмади, аммо кейинроқ Пулидонинг ўзи улар билан боғланди.

Мексикалик унга қараб туриш топширилган жиноятчидан қуроли ва телефонини олиб қўйишга муваффақ бўлган. Футболчи полицияга уч марта қўнғироқ қилди.

Пулидо ўзи турган жойни ҳақида маълумот бериш учун деразадан атрофга қараб қўшни бино ва унинг ёнида турган машина борасида маълумот берди. Иккинчи қўнғироқда эса полиция оператори ундан бир неча маротаба ўқ узишни сўраган. Бунга сабаб улар Пулидо турган жойни аниқлаштириб олмоқчи эди. Аммо футболчи унда ўқ йўқлигини айтиб, хавфсизлик ходимлари уни отиб қўймасликлари учун ўзининг қандай кўринишда эканлигини тасвирлаб берди. Учинчи қўнғироқда у полиция тўғри манзилга келганини тасдиқлади.

Пулидо деразадан қочиш пайтида билагини кесиб олган. Футболчига тиббий ва рухий ёрдам кўрсатилди.

Озод қилинган асир янги ҳаёт учун яратганга миннатдорчилик билдирди ва ундан ҳавотир олган мухлисларга раҳмат айтди.