UZ

Сўнгги янгиликлар

14:40Ўзбекистон U-18 терма жамоаси Арманистонга кимларни олиб кетди?  0 14:18Ўзбекистон U-23 - Шри-Ланка U-23. Ўзбекистон терма жамоаси таркиби эълон қилинди  2 13:41Рауль – "Байер" мураббийлигига номзодлардан бири  1 13:38Гулжигит Аликулов - Ўмон билан ўйин, "Қайрат" ва Жалолиддинов ҳақида   0 13:25ФОТОГАЛЕРЕЯ. "CAFA Nations Cup-2025". Туркманистон – Ўзбекистон 1:2  1 12:55Футбол юлдузлари ўтган ҳафтани қандай ўтказди?  0 12:34Дидар Дурдиев: "Ўзбекистон билан дуранг ўйнашимиз мумкин эди"  3 12:00Игорь Сергеев: "Шквирин ва Аҳмедовни ортда қолдирдим? Термада шахсий статистика эмас, жамоа манфаати муҳимроқ"  6 11:39Алишер Одилов: Терма жамоадаги дебютим кутганимдек зўр бўлмади, сабаби..."  12 10:40Суперкомпьютер Чемпионлар лигаси фаворитлари номини эълон қилди  12 10:04Бугун Ўзбекистон U-23 терма жамоаси ҳам Осиё кубоги саралашидаги юришини бошлайди  5 09:06Халқаро ўртоқлик турнири. Бугун ўсмирларимиз Англияга қарши майдонга тушади  9 08:35Ёзнинг энг қиммат ТОП-10 трансфери. Рўйхатнинг дастлабки учта ўрни бир жамоага тегишли  7 08:04"Байер"дан хайдалган тен Хаг қанча товон пули олиши маълум  8 07:32Абдуқодир Ҳусанов "Манчестер Сити"нинг EЧЛ қайдномасидан жой олди  14

Хосе Венансио Лопес Нидерландияни нега мағлуб эта олмаганимиз ва Парагвай терма жамоаси ҳақидаги саволларга жавоб берди Янгиликлар

Хосе Венансио Лопес Нидерландияни нега мағлуб эта олмаганимиз ва Парагвай терма жамоаси ҳақидаги саволларга жавоб берди

Ўзбекистон футзал терма жамоаси бош мураббийи Хосе Венансио Лопес Парагвайга қарши учрашув олдидан сайтимизга кичик интервью берди.

- Ўзбекистон миллий терма жамоаси Жаҳон чемпионатидаги ўз юришини бошлади. Нидерландия терма жамоасига қарши кечган дастлабки учрашув ҳақида гапириб ўтсангиз?

- Менинг фикримча, дастлабки учрашувда баъзи бир қийинчиликларга дуч келдик. Бутун ўйин давомида ҳисобда орта бордик, лекин рақибдан яхшироқ ўйин кўрсатдик. Нидерландия деярли ҳеч қандай хавф туғдира олмади, рақиб фақатгина биз йўлган қўйган хатолардан фойдаланди. Фикримча, ўша учрашувда ғалаба қозонишга биз кўпроқ лойиқ эдик. Энг муҳими, ҳисобда ортда боришимизга қарамасдан, жамоа характер кўрсата олди. Ҳеч бўлмаганда дуранг қайд этдик.

- Нидерландия кўпроқ ҳимояланди, деб айтиб ўтдингиз. Бундай "автобус" қўйиб олган жамоаларга қарши қандай ўйнашимиз мумкин? Биз Нидерландия ҳимоясини нима сабаб ёриб ўта олмадик? Нидерландияни мағлуб этишга нима етишмади деб ўйлайсиз?

- Бизга халал берган асосий жиҳатлардан бири - биз ҳисобда ортда қолганимиз. Ҳисобда ортда борганимиз бизга таъсир қилди, рақиб эса ушбу вазиятда ўзини эркинроқ ҳис қилди. Нидерландия ортиқча таваккал қилмади ва тартибли ҳимояланди, холос. Шу сабабли биз ҳимояни ёриб ўтишда қийналдик.

- Эртанги рақибимиз Парагвай терма жамоаси ҳақида нималар дея оласиз? Кўпчилик, Парагвай терма жамоасини кучли деб айтмоқда. Масалан, Аргентина терма жамоаси бош мураббийи Парагвайни жуда кучли ва тажрибали жамоа деб айтди.

- Ҳа, Парагвай жуда кучли терма жамоа. Бош мураббий ҳам терма жамоа билан 7 йил давомида ишлаб келмоқда. Футзалчилар ҳам мураббий нимани истаётганини тўлиқ билишади. Парагвай терма жамоаси сафидаги футзалчилар кучли ҳисобланган Испания ва Италия лигаларида тўп тепишади. Қисқа қилиб айтганда, улар жуда тажрибали.

- Биздан кучли бўлган Парагвай терма жамоасини нима эвазига мағлуб эта оламиз?

- Биз максимум ҳаракат қилишимиз керак. Ўзимизнинг юз фоизли ўйинимизни намойиш этишимиз керак. Шунингдек, Нидерландияга қарши кечган учрашувдагидек ҳимояда хатолар қилмаслигимиз керак. Нидерландия позицион ҳужумда ҳеч қандай муаммо ярата олгани йўқ. Парагвайга қарши баҳсда ҳам имкон қадар ҳимояда хатоларга йўл қўймаслигимиз керак. Парагвай терма жамоаси стандарт вазиятлардан ҳам яхши фойдаланади. Шу сабабли ҳимояда хатосиз ўйнашимиз ва стандарт вазиятлардан фойдаланиб кетишимиз керак.

- Агар мухлисларга ёки оммага қандайдир мурожаатингиз ёки гапларингиз бўлса, марҳамат.

- Биринчи навбатда бизни қўллаб-қувватлашларингизни сўрайман. Нидерландияга қарши кечган учрашувдагидек мухлислик қилишларингизни илтимос қилган бўлардим. Фақатгина жипслашиш орқали Жаҳон чемпионатида яхши натижага эриша оламиз. Бизни қўллаб-қувватлаб турган мухлислар ва ОАВ вакилларига ҳам катта раҳмат.



Абдулвосит Бектемиров суҳбатлашди


Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика