Хорватиялик мураббий Отто Барич коронавирусдан вафот этди

Хорватиялик таниқли футбол мураббийи Отто Барич 88 ёшида вафот этди. Хорватия футбол иттифоқи хабарига кўра Барич коронавирусдан сўнг аҳволи ёмонлашиши оқибатида Загребдаги касалхонада дунёдан кўз юмган.

Барич футболчи сифатида Хорватиянинг “Металац”, “Локомотив” клубларида ҳаракат қилган. Шунингдек, Хорватия, Албания ва Австрия терма жамоаларига устозлик қилган. Бундан ташқари “Штутгарт”, “Казино” (Зальцбург), “Фенербаҳче”, “Штурм”, “Рапид” (Вена) ва ЛАСК клубларини бошқарган.