Холанд захирага олингани ҳақида: “Пепга гекса-трик қилишни хоҳлаганимни айтдим”

22 ёшли норваегиялик ўйиндан кейин ҳиссиётлари билан ўртоқлашди.

“Ёрқин кеча. Биринчидан, бу мусобақада ўйнаётганимдан фахрланаман, уни ёқтираман. Бешта гол! 7:0 ҳисобида ғалабага эришиш – қойилмақом иш".

- Бешта голдан қайси бири сизга кўпроқ ёқди?

- Менда ҳаммаси туман каби. Қандай зарба берганимни эслайман, аммо нима ўйлаганимни эслай олмайман. Голларни нишонлашдан чарчаб қолдим.

Менинг супер жиҳатим – голлар уриш. Ростини айтишим керакми? Бугун жуда кўп гол бўлди. Буни унча ўйламадим – шунчаки, тўпни дарвозага йўллашга ҳаракат қилдим. Гап тезкор қарор чиқариш ва дарвозабоннинг бўш нуқтасига тўпни юборишга ҳаракат қилиш ҳақида.

- “Ман Сити”нинг ўйин режаси қандай эди?

- Кеча прессинг устида кўп ишладик. Айниқса, ўз майдонимизда кўп югуришимиз ва прессинг қилишимиз талаб қилинади. Тўпни қайтариб олишни яхши ўзлаштирганмиз, буни тез-тез амалга оширишимиз лозим. Кўпроқ прессинг қилишимиз мумкин ва бу йигитларга ўйнаш учун кўпроқ жой юзага келади.

Ўтган мавсумдан фарқли равишда “Сити” бу мавсум “тоза” форвард билан ўйнамоқда ва жамоа ўйинига шуни олиб киришига интилмоқдаман.

- Пеп Гвардиола бешинчи голдан кейин сизни алмаштирди...

- Унга дубл хет-трик (гекса-трик – ўйинда давомида 6 та гол) қилишни хоҳлаганимни айтдим, аммо на чора, нима қила олардим, дея саволларга жавоб қайтарди Холанд.