UZ

Сўнгги янгиликлар

19:15Меҳди Тареми Эрон термаси ихтиёрини тарк этди, у янги жамоаси билан шартнома имзолайди  0 19:05АПЛ. "Брайтон" - "Манчестер Сити" 0:1 (матнли трансляция)  10 18:43"Ал Иттиҳод" бразилиялик футболчи билан музокараларни бошлади  0 18:15"Манчестер Юнайтед" собиқ ҳимоячиси "Астон Вилла"га ўтмоқда  0 17:44Энцо Мареска: "Жароҳатларнинг кўплиги бежизга эмас"  0 17:16"Қайрат": "Реал" билан ўйин учун чипталар сотувга чиқарилмаган ва нархлар тасдиқланмаган"  0 16:56"Милан" "Ливерпуль" ҳимоячисини сотиб олмоқчи  0 16:45АПЛ. "Брайтон" - "Манчестер Сити" баҳси асосий таркиблари маълум: Абдуқодир Ҳусанов асосий таркибга қайтди!   12 16:26Жейми Вардининг навбатдаги жамоаси маълум!  5 15:52Пол Паркер: "Де Хеа қайтмаса керак"  3 15:30Эрик тен Хаг истеъфога чиқиш арафасида  9 15:15"Манчестер Юнайтед" Ламменс трансферини амалга ошира олмаса, Мартинес номзодига қайтади  1 14:50Фоден бугун ўйнамайди  3 14:30ЕЧЛ. "Қайрат" - "Реал" ўйини учун чипталар нархи қанча?  16 14:14Фермин Лопес "Челси"нинг қизиқишларига қарамай, "Барселона"да қолади  1

"Хўжанд"даги иккита ўйинда иккита гол урган Шоҳруҳ Маҳмудҳожиев билан суҳбат Янгиликлар

"Хўжанд"даги иккита ўйинда иккита гол урган Шоҳруҳ Маҳмудҳожиев билан суҳбат

Ўзбекистонлик ҳужумчи Шоҳруҳ Маҳмудҳожиев яқинда Тожикистоннинг "Хўжанд" клуби билан шартнома тузди.

Ҳамюртимиз "Сурхон"га қарши дебют учрашувда гол урганди. Кеча "Олимпик" билан ўйинда ҳам Шоҳруҳ гол уришга муваффақ бўлди. Биз ушбу ўйиндан кейин легионер футболчимиз билан суҳбатлашдик.

- "Олимпик" билан баҳсда "Хўжанд" сафидаги иккинчи ўйинда, иккинчи голингизни урдингиз. Учрашув ҳақида нима дея оласиз?

- "Олимпик" билан назорат учрашуви ҳақида гапирадиган бўлсам, яхши ўйин бўлди. Иккала жамоа ғалаба учун курашди. Рақибда ҳам, бизда ҳам кўп имкониятлар бўлди. Тожикистонда янги мавсум Ўзбекистонга нисбатан бироз кечроқ бошланиши сабабли "Хўжанд" йиғинни кечроқ бошлади. Шу боис бизнинг жамоадаги футболчилар энг оптимал спорт формасида эмас. Мавсум бошига қадар барчаси яхши бўлади деб ўйлайман. "Олимпик" ҳам яхши жамоалигини кўрдим. Таркибда барча футболчилар ёш, интилувчан, жамоавий ўйин шаклланган. Бош мураббий Тимур Кападзе ҳақида ҳам фақат ижобий фикрлар билдира оламан. Менимча "Олимпик" Суперлигада кўплаб жамоаларга бош оғриқ бўлади ва юқори ўринлар учун кураша олади.

Урган голимга келсак, футбол жамоавий спорт тури ва жамоадошларимнинг ёрдамисиз гол ура олмасдим.

- Нима учун айнан "Хўжанд"ни танладингиз?

- "Хўжанд"га ўтишимга энг катта сабаб клуб бу йил ОФК кубоги гуруҳ босқичида иштирок этади. Бундан ташқари Тожикистон чемпионатида "Хўжанд" олдига чемпионлик вазифаси қўйилган. Ўтган мавсум клуб кумуш медалларга эга чиққанди.




- Ўзбекистон клубларидан таклифлар бўлмадими?

- Суперлиганинг 2-3та клубидан таклиф бўлди. Аммо ўзимни легионер сифатида синаб кўришни хоҳладим. Тожикистон чемпионатида чемпионлик учун курашиш ва ОФК кубогида иштирок этиш учун ҳам "Хўжанд"га ўтишга қарор қилдим. Бу йил "Навбаҳор" клубига омад тилайман. "Навбаҳор" мухлислари Ўзбекистондаги биринчи рақамли деб ҳисоблайман. Ўзбекистонга қайтадиган бўлсам, худо хоҳласа бундан ҳам кучли бўлиб қайтаман.

- "Хўжанд" бош мураббийи ҳақида нима дея оласиз?

- Бош мураббий Рустам Ходжаев ўз вақтида тожикистонлик яхши футболчилардан бири бўлган. Беларусь ва Қозоғистон чемпионатларида ҳам тўп тепган. Олдин ўзи футбол ўйнаган мураббий футболчиларни яхшироқ тушунади. Машғулотларда ҳам бизга ёрдам бериб, хатоларимизни ўз жойида тузатиб туради.

- "Хўжанд"даги шароитлар қандай экан?

- Клубдаги шароитлар яхши, базаси ва машғулот майдонларини билан танишдим. Асосий стадион 25 минг томошабинга мўлжалланган экан.


Нарзулла Сайдуллаев суҳбатлашди

Рейтинг: +7   

Фикрлар

championat.asia
< сўнгги янгиликларни кўриш
Яндекс.Метрика