Хитой Кубоги-2017. Хитойликлар Хорватияни мағлуб этди

Учрашувда биринчи бўлиб ҳисобни хорватияликлар очишди. Лука Иванушеч жамоадошининг ўнг қанотдан ерлатиб узатган тўпини дарвоза тўрига жойлади.

Иккинчи бўлимда Ху Жиаканг ўрнига майдонга тушган Жингбин Ванг 89-дақиқада Андрей Прскало қўриқлаётган дарвозани ишғол қилиб, рақибни пенальтилар сериясига таклиф этди.

Пенальтилар сериясида омад турнир мезбонига кулиб боқди.

Хитой - Хорватия 1:1 (4:3)

Голлар: Иванушеч 36, Жингбин Ванг 89.

Хитой: Ши Ксяотиан, Саи Хуканг, Чи Жонггуо, Суи Мин, Фан Ксяодонг, Гао Жунйи, Ханвен Денг, Ху Жиаканг, Пеи Шуаи, Янг Шанпинг, Йин Хонгбо.

Хорватия: Андрей Прскало, Борна Баришич, Домагой Антолич, Фран Тудор, Яков Филипович, Йосип Юранович, Йосип Мишич, Йосип Пиварич, Лука Иванушеч, Мирко Марич, Тони Даткович.