Хитойда мавсум тугади. Егор Кримец бронза медал соҳиби

Ҳамюртларимиз иштирокидаги ўйинларга эътибор қаратамиз.

"Жиангсу Сейнти" ўз уйида "Шанхай Ист Эйшиа"ни қабул қилиб 0:0 ҳисобида дуранг ўйнади. Ҳамюртимиз Камолиддин Тожиев учрашувда доимгидек тўлиқ ўйнади. "Жиангсу" мавсумни 32 очко билан 13-ўринда тугатди.

"Жиангсу Сейнти" - "Шанхай Ист Эйшиа" 0:0

"Чанчун Ятаи" ўз майдонида "Ляонинг Хонгюн" билан беллашди ва 1:0 ҳисобида зафар қучди. Мезбонлар сафида Анзур Исмоилов, меҳмонлар таркибида эса Шавкат Муллажонов майдонга тушишмади. "Чанчун" мавсумни 14-ўринда тугатди. Клуб 32 очко жамғарди. 35 очко тўплаган "Ляонинг" бу йилги чемпионатни 10-ўринда тугатди.

"Чанчун Ятаи" - "Ляонинг Хонгюн" 1:0
Гол: Лиу Вейдонг 76

Егор Кримец фаолият олиб бораётган "Бейжинг Гоан" мавсумни ўз майдонидаги ғалаба билан тугатди. Ҳамюртимиз бу ўйинда захирада қолди. "Бейжинг" 51 очко билан мавсумни учинчи ўринни тугатди. Егор Кримец Хитой Суперлигаси бронза медалларига эга бўлди.

"Бейжинг Гоан" - "Циндао Жонун" 1:0
Гол: Геррон 78.