Хитой. Филипосян ва Исмоилов тўлиқ ўйнашди

Ҳамюртимиз Артём Филипосян тўп тепаётган "Ляонинг Хонгюн" клуби сафарда "Чангша Гинде" клуби билан ўйнади. Баҳс 0:0 ҳисоби қайд этилди.

Филипосян учрашувда тўлиқ ўйнади. "Ляонинг" 2 учрашувда 2 очко тўплаб мусобақа жадвалининг 9-поғонасида бормоқда. Клуб кейинги ўйинни 23 март куни ўз уйида "Шаанси Чанба"га қарши ўтказади.

"Чангша Гинде" - "Ляонинг Хонгюн" 0:0

Анзур Исмоилов фаолият олиб бораётган "Чанчун Ятаи" клуби ўз майдонида "Хенан Цзяние"ни қабул қилиб 0:0 ҳисобида дуранг ўйнади. 90 дақиқа ўйнаган Исмоилов сариқ карточка олди. Клуб 1 очко билан мусобақа жадвалининг 12-поғонасидан ўрин олган. "Чанчун" 23 март куни сафарда Хитой чемпиони "Гуанчжоу" меҳмони бўлади.

"Чанчун Ятаи" - "Хенан Цзяние" 0:0