Хиддинк: "Мухлисларга "Челси" - ПСЖ учрашуви ёқади деган умиддаман"

"Меҳмонда гол - еврокубок учун жуда яхши натижа. Бу учрашув икки ҳужумкор жамоанинг жанги бўлади.

Азар? Эден Парижда ўйнаганида жуда оғир жароҳатдан тикланган эди ва биз ундан учрашувда тўлиқ ўйнашни талаб қила олмасдик. Аммо ҳафталар ўтди ва мана бугун у нимага қодирлигини кўрсатади. Биз уни таваккал қилмаслик учун ўзгартирдик. Энди Азар бор кучи билан ўйнай олади деб ўйлаймиз.

Олдироқ Педрода муаммолар пайдо бўлганди, аммо у тер тўкиб ишлади ва сафга қайтгандек шуғулланди. Дам олиш куни Костада ҳам кичик муаммо бор эди, аммо бугун у майдонга тушса керак" - дейди Хиддинк.