UZ

Сўнгги янгиликлар

21:02Суперлига. Сергеевнинг ягона голи "Пахтакор"га "Сурхон" устидан қийин ғалабани келтирди  45 20:43Элит ОЧЛ. "Насаф" ўз майдонидаги жанговар ўйинда "Ал Ҳилол"га ютқазди  284 20:10Суперлига. "Динамо" ўз уйида "Шўртан"дан устун келди  10 19:50Моуринью ЕЧЛнинг янги формати ҳақида: "Ўзингиз рўбарў келмайдиган жамоаларга ўрнингизни бўшатиб бериш ғалати"  5 19:18Испания Суперкубоги учрашувлари санаси маълум  5 18:34ФИФА пенальти қоидаларини ўзгартиришни режалаштирмоқда  6 17:24Вольтемаде: "Бирор нарса қилиб, кейин "кечирасиз" дейиш футболнинг бир қисми эмас. Менга адолатли кураш ёқади"  4 16:56Суперлига. 24-турда ишловчи ҳакамлар маълум   0 16:40Мутолаа учун. Самарадорлик бўйича Фалькао ва Жирудан қолишмаган ҳужумчи фаолиятини якунлади  0 16:20Про лига. 16-тур баҳсларига ҳакамлар тайинланди  0 15:51Руни: "Бу "Манчестер Юнайтед" эмас. Мен бу футбол клубини танимаяпман"  5 15:25МДҲ Кубоги. Ўзбекистон U-15 Беларусга ютқазди  5 15:05Биласизми? "Насаф" ўз уйида шу пайтгача Саудия Арабистони клуби билан икки марта ўйнаган  2 14:43"Навбаҳор" футболчиси шартномани бир тарафлама бекор қилди. Клуб бир неча ойлик иш ҳақи бўйича қарздор  18 14:22Калмурза: "Реал"га қарши бутун мамлакат учун ўйнаймиз"  4

Хайрулло Бозоров йиғилишда “Нефтчи” аъзоларини жиддий танқид қилди Янгиликлар

Хайрулло Бозоров йиғилишда “Нефтчи” аъзоларини жиддий танқид қилди

Вилоят ҳокими, вилоят футбол федерацияси раҳбари Хайрулло Бозоров “Нефтчи” жамоаси раҳбарияти, мураббийлари ва футболчилари билан учрашди.

Танқидий руҳда ўтган мулоқотда “Нефтчи”нинг Суперлига ўйинларида яхши натижалар қайд эта олмаётгани, ўйин темпи борган сари тушиб кетаётганлиги, 20 июнга қадар ўтказилган Суперлига 11-турдан сўнг 2 та ғалаба, 3 та дуранг ва 6 та мағлубият билан 9 очко жамғариб 12-ўринда бораётганлиги қайд этилди.

Аксарият футболчиларнинг жисмоний ҳолати талаб даражасида эмаслиги, асосан ҳимоявий ўйин тактикаси танлангани боис ҳужумкорлик йўқлиги, стандарт вазиятлардан унумли фойдаланишга эътибор қаратилмаганлиги, ўйинчилар ўртасида ғалабага бўлган ишонч, жамоавий характер мавжуд эмаслиги танқид остига олинди.

Бундан ташқари, жамоада тартиб-интизом яхши эмаслиги, раҳбарият ва футболчилар ўртасида бир бирига ишончсизлик ортиб бораётгани, бош мураббий Илҳом Мўминжонов мазкур ҳолатларнинг олдини олиш учун етарлича иш олиб бормаётгани бўйича танбеҳ берилди.



“Нефтчи” футбол жамоасига Суперлигага қайтиши билан бир қатор шароитлар яратиб берилган бўлсада, ҳозирда клубда профессионал даражада иш ташкил қилинмаган.

Мухлислар ва ОАВ билан ишлаш, маркетинг масалалари, футболчилар ва мухлислар ўртасида қўшма тадбирлар яхши йўлга қўйилмагани, матбуот хизмати талаб даражасида эмаслиги, клубнинг ижтимоий тармоқларда расмий саҳифаларида етарли фаоллик йўқлигига ҳам танқидий эътибор қаратилди. Жорий йил жамоа ташкил этилганига 60 йил тўлиши, бироқ бу ҳақда на ОАВ орқали эълон берилмаган, на бу катта тадбирга тайёргарлик ишлари бошланмаган.

Клуб раиси Зоҳид Ғофуровнинг тажрибасизлиги, раҳбарлик салоҳиятининг етарли эмаслиги ҳам юқорида таъкидланган муаммоларнинг ўз вақтида бартараф этилмаганига олиб келган.
Селекция ишларига эътиборсизлик натижасида айни вақтда “Нефтчи” жамоасининг 19 ёшли ўсмирлар жамоаси 14-ўринда, 21 ёшли ўсмирлар жамоаси эса 11-ўринда боришмоқда. Аёллар жамоаси эса 10 та жамоа ичида 9-ўринда бормоқда.

Вилоят раҳбари ушбу масалаларга бирма бир тўхталар экан, бундан буён клубга ўзгача руҳият олиб кириш кераклиги, тартиб-интизом, ҳурмат, аҳиллик билан иш ташкил қилиш кераклигини таъкидлади.

Шаҳар ҳокими Восилжон Назаров клуб президенти этиб тайинланди. Вилоят ҳокими томонидан унга клуб фаолиятини назоратга олиш, маркетинг, менеджмент ишларини тўғри йўлга қўйиш, фан-клуб билан самарали ҳамкорлик ўрнатиш, клуб матбуот хизмати фаолиятини ривожлантириш шунингдек, клуб логотипига чинор барги рамзини қайтариш каби топшириқлар берилди.

Клуб мураббийларига чиройли ўйин намойиш этиш ва ғалабалар билан мухлисларни қувонтириш учун энг аввало асосий таркиб ўзагини шакллантириб олиш лозимлиги уқтирилди.
Рейтинг: +22   

Фикрлар

championat.asia
< сўнгги янгиликларни кўриш
Яндекс.Метрика