UZ

Сўнгги янгиликлар

20:07Суперлига. ОКМК - «Бунёдкор» 0:0 (Матнли трансляция)  1 20:00Суперлига. "Қизилқум" – "Локомотив" 0:0 (матнли трансляция)  3 19:45"Ливерпуль" "Ювентус" ҳимоячисини сотиб олмоқчи  0 19:19"Челси" ва "Атлетико" "Атланта Юнайтед" ўйинчисига даъвогар  1 18:43"Манчестер Юнайтед" ва "Атлетико" "Болонья" ҳимоячисига қизиқмоқда  0 18:00Максим Шацких: "Украина терма жамоаси ҳозирги таркиб билан Еврода узоққа бориши мумкин"  12 17:26Про лига. "Машъал" сафарда "Олимпик-MobiUz" билан дуранг ўйнади  4 17:11АПЛ болбойларнинг ўйинга таъсирини чеклайди  1 16:45МЮ "Ювентус" футболчиси учун ўз вингерини беришга ва қўшимча тўлов қилишга тайёр  1 16:11"Барселона" тарбияланувчисини қайтармоқчи  2 15:41"Ницца" АПЛ клублари қизиқаётган ҳимоячиси учун нарх белгилади  0 15:10ПСЖнинг 2 нафар футболчиси сафга қайтди  0 14:08Шенсни "Юве"да қолиши учун маоши камайишига рози бўлиши керак  1 13:40Гризманн қайтди  1 13:21Дилмурод Назаров хотирасига бағишланган "Наврўз Кубоги-2024" мусобақаси қандай ўтди?  9

Хайрулло Бозоров: "Нефтчи" Суперлигага ярашади" Янгиликлар

Хайрулло Бозоров: "Нефтчи" Суперлигага ярашади"

Аввал хабар берганимиздек, куни кеча Фарғонанинг "Нефтчи" клуби мавсумолди таништирув ва тақдимот маросимини ўтказди.

Маросимда Фарғона вилояти ҳокими Хайрулло Бозоров ҳам иштирок этиб, қуйидаги фикрларни билдириб ўтди.

"Авваламбор барчага ассалому алайкум. Бугунги тадбирда сизларни кўриб турганимдан жуда хурсандман. Биласизларми,"Нефтчи" футбол клуби таништирув маросими ташкиллаётгани ҳақида менга ахборот беришганида биринчи қаерда ўтказилиши ҳақида қизиқдим. Дастлаб клуб қароргоҳида ўтказилиши режалаштирилган маросим якунда муҳташам театр ва концерт саройида ташкил этилмоқда. Бошида шундай катта зални қандай қилиб мухлислар билан тўлдиришларига ҳайрон бўлгандим. Айни вақтда кўриб турибман, залда деярли бўш жойлар қолмаганлигини кўриб турибман. Бу Фарғона халқи футболни жуда яхши кўришидан далолат беради. Мен "Нефтчи"га эътибор қилиш лозимлигини яна бир бор ҳис қилдим.

Албатта футбол миллионлар ўйини.Ёшлигимизда, болалигимизда барчамиз футбол ўйнаганмиз. Мактабда, кўчада, маҳаллада футбол ўйнаганмиз, барчамиз футбол билан ўсганмиз.Тўғрисини айтганда водий халқи футболни жуда яхши кўради. Масалан Наманганда футбол мухлислари "Навбаҳор" жамоасига катта эътибор қаратишларига гувоҳ бўлганман. Худди шу каби бугун Фарғонада ҳам футболсевар мухлислар кўп эканлигини кўрмоқдаман. Ўзбекистоннинг беш карра чемпиони, шонли тарихга эга бўлган "Нефтчи" жамоасига бефарқ бўлмаганликларинг учун барчангизга миннатдорчилик билдираман.

Мамлакатимизда сўнги йилларда муҳтарам президентимиз Шавкат Миромонович Мирзиёев бошчилигида барча соҳаларга улкан ислоҳотлар олиб борилмоқда. Ўзларинг кўриб гувоҳ бўлаяпсизлар, сўнги 4 йилда ўзгармаган соҳа қолмади. Ҳар бир соҳада ўзгариш ва ривожланиш бор. Биласизларми, жуда кўпдан буён Ўзбекистон халқи футбол бўйича жаҳон чемпионатига чиқишимизни кутиб яшамоқда.Мана сўнги йилларда ҳукуматимиз томонидан футболга оид бир нечта меъёрий ҳужжатлар имзоланди. Ҳар бир соҳада бўлаётган ўзгаришлар каби ўзбек футболида ҳам ривожланишлар кўзга ташланмоқда, соғлом рақобат муҳити юзага келаяпти.

Ёдингларда бўлса, ёшларимиз Осиё чемпиони бўлганида президентимиз Шавкат Миромонович алоҳида йиғилиш ўтказиб, қаерда адолат бўлса, ҳалоллик бўлса натижа ҳам юксак бўлишини таъкидлаган эдилар. Мос равишда президентимизнинг футболга бағишланган алоҳида қарорлари қабул қилинди, жойларда мазкур ҳужжат ижроси таъминланмоқда.

Ўзбекистон футбол ассоциациясига давлат хавфсизлик хизмати раҳбари Абдусалом Азизовнинг тайинланиши ҳам бежизга эмас. Футболда адолат ўрнатиш, ҳалолликни таъминлаш келажакда ўзининг самарали натижасини бермасдан қолмайди. Мана қатъий тарзда футбол регламентлари қайтадан кўриб чиқиляпти. Ўзбекистон чемпионатлари, хусусан Суперлига, ПРО-Лига мусобақаларининг даражаси тобора юқорилаб бормоқда. Энг асосийси ёшларимиз футбол ўйнаяпти, соғлом турмуш тарзига риоя қилмоқда.

Фарғона вилоятида "Қўқон-1912" клуби анча йиллардан буён Суперлигада қатнашиб келмоқда. Бундан ташқари жорий мавсумдан яна бир жамоамиз - Яйпаннинг "Турон" жамоаси ҳам Суперлигада иштирок этади. Ҳозиргина шу жамоанинг мавсумга тайёргарлик жараёнини кўриб келдик. Ташкил этилганидан 3 йил ўтиб Суперлигада ўйнаши ҳақиқатдан ҳам таҳсинга сазовор натижа.

Ўзбекистон тарихида жамоа рамзи тепасида юлдуз тасвири бор клублар сони кам. "Нефтчи" 5 карра Ўзбекистон чемпиони бўлгани холда мана шундай натижага эришган. Жамоада ташкилий жиҳатдан ишлар тўғри йўлга қўйилмагани туфайли бир неча мавсум қуйи лигада ўйнашига сабаб бўлди. Ўтган мавсумда "Нефтчи"га озгина омад етмай қолди. Майли, "Нефтчи" чиқмаган бўлса вилоятимизнинг яна бир жамоаси "Турон" чиқди. Бу ҳам кураш, соғлом рақобат. Бу йил ўтган йилги хато ва камчиликлардан хулоса қилган холда "Нефтчи"ни Суперлигага олиб чиқиш, асл ўрнига қайтаришни ўз олдимизга мақсад қилиб қўйдик. Бугунги тақдимотни "Нефтчи" ҳақиқий ўрнига қайтариш тақдимоти десак тўғри бўлади. "Нефтчи" Суперлигага ярашади, жамоага Осиё чемпионлар лигасида ўйнаш ярашади" - дейди вилоят раҳбари.

Бекзод Толибов ёзиб олди

Рейтинг: +18   

Фикрлар

championat.asia
< сўнгги янгиликларни кўриш
Яндекс.Метрика