UZ

Сўнгги янгиликлар

11:04Роналду Швеция билан ўйин учун Португалия терма жамоасининг қайдномасига киритилмади  3 10:31Суперлига-2024: 3-тур баҳсли вазиятлари юзасидан Эксперт-ҳакамлар комиссияси хулосаси  3 10:04«Жаҳон чемпионатининг саралаш учрашувларига ёш, тажрибасиз ва янги футболчиларни жалб этиб, уларни ўйин услубига мослаштириш учун вақт йўқ, чунки бу жуда мураккаб» - Катанец ОФК расмий сайтига интервю берди  12 09:51Пике «Барселона» бош мураббийлиги учун икки номзодни айтди  2 09:23Англия терма жамоаси Евро-2024 учун либосини тақдим этди  2 09:15Рустам Мирсодиқов 70 ёшда!  2 08:52«Арсенал»нинг яна бир футболчиси термада ўйнашдан бош тортди  5 08:25Стерлинг кечирим сўради  2 07:58«Атлетико»га қарши учрашувда қизил олган Хави нечта ўйинга четлатилиши маълум  0 07:31Про лига. Бугун турнинг марказий учрашуви бўлиб ўтади  9 00:30Киммих фаолиятини "Сити", "Ливерпуль", "Арсенал", "Реал" ёки "Барса"да давом эттирмоқчи  2 23:45Гризманн 2017 йилдан бери илк марта Франция терма жамоаси ўйинларини ўтказиб юборади  5 23:10"Ливерпуль" ҳужумчиси март ойида терма жамоасига ёрдам бера олмайди  0 22:47"Ювентус" катта товон пулидан қўрқиб, Аллегри билан хайрлашмоқчи эмас  3 22:09Ўзбекистон Суперкубогида ишлайдиган ҳакамлар номи эълон қилинди  1

Хавотир Янгиликлар

Хавотир

Кеча "Локомотив"нинг кутилмаган мағлубияти анча ўйлантириб қўйди.

Тўғриси, ўйиндан олдин ҳаммаси яхши бўлишидан умидвор эдик. Ҳатто "Локо" сафарда ўйнаган бўлса-да, "Зобаҳан"га очиқ ва ҳужумкор футбол таклиф қилади деб кутгандик. Наҳотки, бир ҳафта олдинги 5:0 бизни шунчалик сармаст қилиб қўйган бўлса?

Осиё чемпионлар лигасида осон ўйин йўқ, буни жуда яхши тушунамиз. Лекин бир жамоа бир ўйинни 5:0 ютиб, кейингисида умуман ўзига ўхшамай қолса, мана бу кишини кўпроқ ўйлантириб қўяди. Натижа ўз йўлига, бизни кўпроқ хавотирга солган жиҳат "Локомотив"нинг ўйини йўқолиб қолгани. Бир ҳафта ичида бирданига пасайиб кетиш мумкинми?

Кечаги мағлубиятдан фожеа ясаш фикридан йироқмиз, чунки бу энди иккинчи тур ва ҳали ҳаммаси олдинда. "Локомотив" агар хоҳласа тезда ўзига келиб олади. Ҳамма гап жамоанинг ўзида қолган. Аммо барибир ўша савол такрорланаверади: бир ҳафта олдинги иштиёққа бой ўйин қани?

Аслида-ку, кечаги баҳсни жуда шиддатли кечди деб бўлмайди. "Зобаҳан" у қадар ваҳимали жамоа эмас экан. Кеча "Локомотив" бу жамоани бемалол ютса бўларди, лекин айрим хатолар қимматга тушди. Мухлисларни эса ҳаммасидан ҳам кўпроқ "темирйўлчилар"нинг ўйини чиқмагани хуноб қилган бўлса ажаб эмас.

Гарчи ютқазган бўлса ҳам "Пахтакор" ҳартугул иккинчи таймда "Ал Гарафа"га жанг таклиф қилганди. "Пахтакор" сал қолса ҳисобни 2:2га етказиб ўйинни қўшимча таймларга олиб бориши мумкин эди. Лекин Ўзбекистон чемпиони "Локомотив" кеча гўёки олий лиганинг ўртамиёна клубига ўхшаб қолди. Кеча ўйнаган жамоа биз билан "Локомотив" эмасди.

Шу ўринда "Насаф"нинг мағлубияти билан "Локомотив"нинг ютқазганини бир-бирига ўхшатмаган маъқул. "Насаф"нинг "Персеполис"га ютқазиб қўйишини ўйин боришидан дарҳол сезгандик, жамоада тажрибали футболчилар йўқлиги билинганди. Бироқ "Локомотив" ҳам ўйин, ҳам таркиб борасида "Зобаҳан"дан ортса ортиқки, асло кам жойи йўқ эди. Қизиқ, бир ҳафта ичида нима ўзгарди?

Кечаги мағлубият тўлиқ мураббийларники деса бўлади. Ўйиндан олдин қандай кўрсатма берилган билмадиг-у, лекин майдонга тушгандан кейин футболчилар худди кўрсатмасиз ҳаракат қилаётганга ўхшаб қолишди. Қолаверса, тўпларни осмонга тепиш авж олди. Биз нимадан хавотирдамиз? Эрта-индин "Локо"да ишлаётган Мирко Йеличич, Андрей Фёдоров каби мураббийлар миллий терма жамоада иш бошлашлари мумкин. Кечаги ўйиндан келиб чиқиб бу мураббийлар терма жамоага нимадир бера олади дейишдан хавотирдамиз.

Мартда Сенегал ва Марокаш, май ойида эса Эронга қарши баҳслар кутмоқда. Учала ўйин сафарда ўтишини ҳисобга олсак, бориб нима натижа кўрсатамиз, бир нарса дейиш қийин. ЎФА чиқараётган қарорларга қаршилигимиз йўқ, ҳар ҳолда мутахассислар фикри билан иш қилиняпти, аммо ҳеч нарса ўхшамай қолишидан хавотирдамиз, сабр қилиб туринглар бизга Кейруш келади деб тинчлантиришларидан хавотирдамиз, Кейруш шунча йил Осиёда ишладим, энди Европага қайтсам ҳам бўлар деб кетиб қолишидан хавотирдамиз.

Муаллиф : Xayrulla Xoliqov
Рейтинг: -37   

Фикрлар

championat.asia
< сўнгги янгиликларни кўриш
Яндекс.Метрика