Хави "Барса" билан АҚШга бормайди
16 июл 2022 18:28
Янгиликлар

Хави "Барса" билан АҚШга бормайди

"Барселона" бош мураббийи Хавини аввалроқ Эронга боргани туфайли АҚШга киритишмайди.

Каталонияликлар АҚШда мавсумолди йиғин ўтказишни режалаштирган, аммо бош мураббий океан ортига жамоа билан учмайди.

Аввалига "Барселона" Хави "административ (маъмурий) ва паспорт билан боғлиқ муаммолар" туфайли АҚШга бора олмаслигини маълум қилганди.

Испан нашри "Mundo Deportivo"нинг хабарига кўра, Хави аввалроқ Эронга боргани сабаб АҚШ ҳудудига киритилмайди. Испаниялик Қатарнинг "Ал-Садд" клуби таркибида футболчи сифатида ушбу мамлакатга уч марта ташриф буюрган.

Охирги паллагача Хавига АҚШга кириш учун махсус рухсатнома беришлари кутилганди, аммо рад этилди. Энди "Барселона" масалани ижобий ҳал қилиш учун камида душанба кунигача сабр қилишига тўғри келади.

Ҳавола :

Манба : Mundo Deportivo

Янгиликларни Телеграмда ўқинг!

Рейтинг: -5