Халк: "Зенит"да менга ҳасад қилишган"

"Аксель Вицель билан бирга "Зенит"га ўтганман. Иккимиз ҳам клубга ёрдам бермоқчи бўлганмиз ва ўзимизни клубдан устун қўймаганмиз.

Аммо кутилмаганда баъзи рус футболчилар ҳасад қилишни бошлади. Муносабатлар яхши бўлишига ҳаракат қилдим, аммо қийин эди. Голлар урсак, қолганлар уни нишонламасди. Машғулотларда эса мен билан гаплашишмаган.

Уч ой ўтиб клуб президентига мурожаат қилдим ва клубдан кетмоқчи эканлигимни айтдим. У шундай жавоб берди: "Ақлдан оздингми, қаерга кетмоқчисан?". Хатто Путин ҳам Россия чемпионатига мен ва Вицелдек футболчилар кераклигини айтган эди.

Клубдагилар бироз кутишимни, ҳаммаси жойига тушиб кетишини айтишди. Чемпионатда танаффус юз берганида, жамоага салбий таъсир кўрсатганлардан қутила бошлашди.

Ўшандан сўнг кийиниш хонасидаги атмосфера яхши томонга ўзгарди. "Зенит" президенти ҳозиргача менга хабар ёзиб туради, байрамларда табриклайди. Дзюба ҳам яқинда "Қайт" деб ёзган эди. Қолган футболчилар билан муносабатимиз яхши бўлган" - дейди Халк.