"Водий футболи". Асқаралиев ва Отахонов 5тадан ўйинга дисквалификация қилинди

"Қўқон-1912": “Пахтакор” билан 5 июль куни ўйнаймиз

Олий лиганинг 2-туридан ўрин олган “Қўқон-1912” – “Пахтакор” учрашуви маълум сабабларга кўра, бошқа кунга қолдирилганди. Профессионал футбол лигаси, мусобақаларни ўтказиш бўлими мазкур учрашувни 5 июль куни бўлиб ўтишини маълум қилди.

Эслатиб ўтамиз, 1 июль куни Қўқонга Тошкентнинг бошқа бир жамоаси “Бунёдкор” ташриф буюради.


"Нефтчи": "Бухоро"га қарши ўйин кечроқ вақтга белгиланади

Фарғонанинг "Нефтчи" клуби олий лиганинг 13-туридан сўнг кейинги турдаги рақиби "Бухоро"га қарши учрашувга тайёргарликни бошлаб юборди.

Олий лигада ҳозирча умуман ғалаба қозона олмаган "Бухоро"га қарши баҳс футболчилар ва мухлисларга қулай бўлиши учун имкон қадар кечроқ муддатга белгиланади.


"Навбаҳор": Эртага "Локомотив" билан ўйнаймиз

Наманганнинг "Навбаҳор" клуби эртага Ўзбекистон кубоги 1/8 финали доирасида ўз майдонида "Локомотив"ни қабул қилади.

Тошкентда кечган дастлабки учрашувда "темирйўлчилар" 2:0 ҳисобида зафар қучишганди. Эртанги жавоб баҳсида Бахтиёр Ашурматов бошчилигидаги жамоа ушбу фарқни йўққа чиқариб чорак финалга чиқишга уриниб кўришади.


"Андижон": Отахонов ва Асқаралиев 5тадан учрашувни ўтказиб юборишади

Бир кунлик дам олишдан кейин жамоа бугун тушдан кейин қароргоҳга йигилади. Эртага эрталаб жамоа Бекободга йул олади. Ўзбекистон кубоги нимчорак финали жавоб баҳсида жамоа "Металлург"га қарши майдонга тушади. Биринчи ўйинда жамоамиз 3:1 ҳисобида ғалаба қозонган. ПФЛнинг қарорига кўра Иброҳим Отахонов ва Санжар Асқаралиев 5тадан учрашувни ўтказиб юборишади.