Влахович — "Арсенал"нинг асосий трансфер мақсади
11 янв 2022 20:24
Янгиликлар

Влахович — "Арсенал"нинг асосий трансфер мақсади

Теглар : "Фиорентина"Душан Влахович "Арсенал"

"Фиорентина"нинг сербиялик ҳужумчиси Душан Влахович қишки трансфер ойнасида Лондоннинг "Арсенал" клуби бош трансфер мақсади ҳисобланади.

"Канонирлар" бош мураббийи Микель Артетанинг шахсан ўзи футболчи билан шартнома имзоланишини истамоқда. Клуб шунингдек, "Эвертон" ҳужумчиси Доминик Калверт-Льюиннинг трансфери ҳақида бош қотирмоқда, аммо бу ўтишнинг эҳтимоли жуда кам, дея хабар берди "Daily Mail".

Манбанинг хабар беришича, Влахович Европанинг топ-клубларидан бирига ўтиш ниятида. "Арсенал" сербияликка нафақат қулай молиявий шароитларни таклиф қилиши, балки уни Артета қураётган лойиҳанинг нечоғлик жиддийлигига ишонтириши керак.

Душан Влахович ушбу мавсумда барча мусобақаларда 22 учрашувда қатнашиб, 18 та гол урди ва 4 та голли узатмани қайд этди. Transfermakrt портали футболчининг нархини 70 миллион еврога баҳолаяпти.

Ҳавола :

Манба : Daily Mail

Янгиликларни Телеграмда ўқинг!

Рейтинг: +7