Владимир Назаров: "Голли узатма амалга ошириш ёқимли. Лекин бу кўрсатмаларнинг бир бўлаги эди"
11 май 12:26
Янгиликлар

Владимир Назаров: "Голли узатма амалга ошириш ёқимли. Лекин бу кўрсатмаларнинг бир бўлаги эди"

Суперлиганинг 9-туридан ўрин олган "Пахтакор" – "Бухоро" (6:0) учрашувидан сўнг мезбонлар дарвозабони Владимир Назаров ўз фикрлари билан ўртоқлашди.

"Катта раҳмат, жуда мамнунман. Барчани ғалаба билан табриклайман, йирик ҳисобда рақибдан устун келдик. Йигитларга баракалла дейман, бугун барча ўзига хос характер намойиш эта олишди, мағлубиятдан сўнг барчаси жон-жаҳди билан ҳаракат қилди.

Голли узатма амалга ошириш ёқимли. Лекин бу кўрсатмаларнинг бир бўлаги эди. Ўйин давомида мураббий томонидан тезкор қарши ҳужумга чиқиш кўрсатмаси берилганди. Худога шукур, режаларимиз амалга ошди.

Жонатан Луис билан рақобат? Рақобат доим бўлади, лекин бу яхши ҳолат. Мен ҳам, у ҳам шаклланиб боряпмиз. Жамоа учун энг муҳими – майдонга тушиб, ўз маҳоратини кўрсата олиш керак", деди 22 ёшли футболчи.