Владимир Назаров: "Дарвозабонлар ўртасида кучли рақобат бор"
21 апр 15:05
Янгиликлар

Владимир Назаров: "Дарвозабонлар ўртасида кучли рақобат бор"

Ўзбекистон олимпия терма жамоаси посбони Владимир Назаров Кувайт устидан қозонилган ғалабадан сўнг (0:5) сайтимизда кичик интервью берди

"Барчага ассалому алейкум. Биринчи навбатда ўзбек ҳалқимизни бугунги ғалаба билан табриклайман. Бугун яхши ўйин ўтказдик ва ишончли ғалаба қозондик. Энди эса сўнги баҳс қолди. Вьетнамга қарши учрашувда гуруҳда қайси ўринни эгаллашимиз ҳал бўлади. Йигитлар бугун яхши ўйин ўтказишди, мен эса деярли тўпга тегмадим. Вьетнам ҳам икки учрашувда 100 фоизлик натижа қайд этиб келмоқда. Уларни яхши ўрганиб чиқиб, мағлуб этамиз деган умиддаман. Ушбу мусобақада барча кучли жамоалар йиғилган ва чорак финалда қайси рақиб бизга қарши бўлишининг фарқи йўқ. Дарвозабонлар ўртасидаги рақобат ҳам кучли. Барча учта дарвозабонлар асосий таркибдан ўрин эгаллаш учун курашишмоқда" - дея фикр билдирди дарвозабонимиз Владимир Назаров