UZ

Сўнгги янгиликлар

08:37Тарихдан бунақаси бўлмаган! Абдуқодир Ҳусанов биринчи ўринга кўтарилиб олди  0 08:11Ямалнинг нима сабабдан "Эл Класико"да ўйини чиқмагани маълум қилинди  3 08:04Деярли бир тайм бир киши кам бўлиб қолган "Ал Иттиҳод" меҳмонда "Ал Насср"ни мағлуб этиб, кейинг босқичга йўл олди  8 07:58А Серия. "Милан"да дуранг, "Наполи"да эса ғалаба  0 07:46Ўзбекистон кубоги. Бугун ФИНАЛ  2 00:43Футзал бўйича Осиё ёшлар ўйинлари: Ўзбекистон ярим финалда Эрондан 14 та тўп қабул қилиб олди  7 23:28"Интер" дарвозабони 81 ёшли нафақахўрнинг ҳаётига зомин бўлди  1 22:28Артём Филипосян: "Финалда кучли жамоа ғалаба қозонсин"  1 22:04Камолиддин Тожиев эртага Бахтиёр Ашурматов ва Миржалол Қосимов қаторидан жой олиши мумкин  2 21:32ЎФА Рўзиқул Бердиев бўйича суриштирув ўтказади  58 21:16Игорь Сергеев: "Финалдан олдин кўп гапириб юбориш яхши эмас"  7 20:48Педри ва Ямаль "Эл Класико"дан кейин ижтимоий тармоқларда Карвахални кузатишни тўхтатди  48 20:28Марказий учрашув қаҳрамони бўлган дарвозабон, дублга эришган 18 ёшли футболчи, олис масофадан дарвозани ишғол этган вингер — Суперлигада 26-турнинг энг яхшилари  1 20:02Пўлатов, Ахроров, Каримов, Кенжабоев, Кривокапич... Суперлига 26-тур рамзий терма жамоаси  0 19:54"Бухоро"нинг Ўзбекистон Кубоги финалидан олдинги расмий машғулотидан ГАЛЕРЕЯ  0

Владимир Бубанья: "Охиригача "Андижон" жавобини кутдим" Янгиликлар

Владимир Бубанья: "Охиригача "Андижон" жавобини кутдим"

"Хоразм" жамоасининг янги аъзоси Владимир Бубанья сайтимизга кичик интервью берди.

- Владимир,  Суперлигадаги дастлабки ғалаба билан табриклайман. «Андижон»да триумфал мавсум ўтказиб, қишки трансферлар ойнасида "Хоразм"га ўтдингиз. "Хоразм" таклифи қандай пайдо бўлди? Тайёргарлик қандай ўтди ва жамоага мослашиш жараёни қандай кечяпти?

- Ҳақиқатдан ҳам, бу мавсум «Хоразм» учун омадли бўлади деб умид қиламан. Жамоа 15 йиллик танаффусдан сўнг Суперлигага қайтди. "Хоразм" варианти, «Андижон»дан расман кетганимдан кейин пайдо бўлди. Улар менга таклиф билан чиқишди. Клуб директори билан олдин бирга ўйнаганмиз. Шунингдек, бу ердаги футболчиларнинг ярми билан бирга ёки уларга қарши ўйнаганман. Ўйлашимча, яхши жамоа йиғилди. Ҳозирча бир-биримизни тўлиқ тушунишда камчиликлар кўзга ташланмоқда, лекин бир-биримизга мослашиш учун бир ой вақтимиз бўлди. Туркияда ва шу ерда йиғин ўтказдик. Чемпионат давом этар экан, ўйинимиз ҳам яхшиланиб боришига ишонаман.

- Суперлиганинг бошқа жамоаларидан таклифлар бўлмадими? «Андижон»да етакчилардан бири эдингиз, устига-устак лиганинг энг яхши марказий ҳимоячиларидан бири сифатида танилдингиз...

- Жуда ҳам катта таклифлар бўлмади, чунки мен охиргича «Андижон» жавобини кутдим. Клуб январь ойининг сўнгида якуний қарорни қабул қилди, ўша вақтга келиб эса кўпчилик жамоалар таркибини тўлдириб бўлган эди. Шу боис мен «Хоразм»ни танладим. Энди шу ердаман ва яхши ўйин кўрсатамиз деб умид қиламан.

- «Хоразм»нинг янги мавсумдаги мақсадлари қандай? Жамоа узоқ танаффусдан сўнг Суперлигага қайтди...

- Биз яхши жипслашган жамоа шакллантиришимиз ва ўйинимизни яхшилашимиз керак. Агар мавсум сўнгида, мусобақа жадвалининг ўртасида бўлсак, бу биз учун яхши натижа бўлади.

- Яқинда «Хоразм» Достон Турсунов билан шартнома имзолади. Ўзбекистон миллий терма жамоасининг собиқ ҳимоячиси ўтган мавсумни Эронда ўтказди. Жамоанинг ҳимоя чизиғи ҳақида нима дея оласиз? «Хоразм» эндигина Суперлигага қайтганига қарамай, марказий ҳимоя чизиғини яхшигина кучайтириб олди...

- Достон билан бирга ўйнаётганимдан жуда хурсандман. Албатта, у тажрибали ва кучли футболчи, нафақат Ўзбекистон, балки бутун Осиёда ном қозона олган. Лекин фақат Достон эмас, бизда бошқа яхши футболчилар ҳам бор. Мен бу жамоанинг бир қисми бўлганимдан хурсандман ва бундай футболчилар билан бир жамоада бўлиш қувонарли.



Абдулвосит Бектемиров суҳбатлашди



Рейтинг:    

Фикрлар

championat.asia
< сўнгги янгиликларни кўриш
Яндекс.Метрика