Владимир Андреев: "Пахтакор"га қарши ўйнаш доим қийин"
31 окт 2019 21:56
Янгиликлар

Владимир Андреев: "Пахтакор"га қарши ўйнаш доим қийин"

"Пахтакор" - "Сурхон" (3:1) учрашувидан сўнг меҳмонлар устози Владимир Андреев ўз фикрларини билдирди.

"Пахтакор"ни ғалаба билан табриклайман. Менимча бугунги ўйин мухлисларга ёқди. Бизда ҳам имкониятлар бўлди, аммо вазиятлардан унумли фойдалана олмадик. "Пахтакор" билан ўйнаш доим қийин. "Пахтакор" чемпионликни ва кубокни қўлга киритган ва мамлакатнинг энг кучли клуби бўлиб турибди. Бу ўйинда қўлимиздан келгани битта гол бўлди.

- "Сурхон"нинг у йилги мақсади қандай?
- Мақсадимиз аниқ - 3-ўринни олиш. Аммо бу футбол.

- Черанга қарши алоҳида тайёргарлик кўрилганмиди?
- Стандарт вазиятларга тайёрланганди ва Черанга қарши алоҳида тайёргарлик кўргандик. У бу мавсумда энг кўп гол урди ва Суперлигада тўпурар бўлиб турибди.