Виталий Левченко: "Навбаҳор" ва "Пахтакор" "Нефтчи"дан кучлими? Буни журналистлар айтиши керак"

"Бугун ўйин қийин бўлишини кутгандик. "Динамо" 1-турда "Навбаҳор"га ютқазганди, рақиб агрессив ўйнайди деб ўйлагандик. Бизнинг вазифамиз эмас бу босимга дош бериш ва қарши ҳужумда гол уриш эди. Бунга эришдик ҳам. Ҳозир биз учун ўйин сифати эмас натижа муҳим", - деди Виталий Левченко.

- "Нефтчи" таркиби жуда ҳам яхши, натижалар ҳам яхшиланмоқда. Фарғона клуби ниҳоят узоқ кутилган чемпионликка эриша оладими?
- "Нефтчи" клуби олдига доим катта вазифалар қўйилади. Шонли тарихга эга клубнинг катта натижаларини такрорлашга уринамиз.

- Эффионг Нсунгуси ҳақида нима дея оласиз?
- Уни узоқ вақтдан буён кузатгандик. Ўтган йили ҳам унга қизиққандик. Унинг олдида кўплаб таклифлар бор эди. Бир амаллаб уни кўндира олдик. Афсуски Туркиядаги йиғинимизда иштирок эта олмади. Сабаби негадир нигерияликларга Туркия визасини беришмайди. Икки марта уриндик, барибир виза беришмади. Футболчи Ўзбекистонга учиб келди ва шартнома туздик.

- "Навбаҳор" ва "Пахтакор" ўйинларини кўрдингиз. Улар "Нефтчи"дан кучлими?
- Бу менинг ишим эмас. Ким кучлилигини сиз журналистлар айтишингиз керак.