Виталий Левченко: "Жамоанинг ҳар бир аъзоси профессионал кайфиятда бўлиши керак"
12 апр 2024 23:44
Янгиликлар

Виталий Левченко: "Жамоанинг ҳар бир аъзоси профессионал кайфиятда бўлиши керак"

Ўзбекистон кубогининг 1-туридан ўрин олган "Нефтчи" - "Дўстлик" (2:0) учрашувидан сўнг мезбонлар бош мураббийи Виталий Левченко матбуот анжуманида иштирок этди.

Ўйин ҳақида

- Ғалаба билан жамоа мухлисларини ва аъзоларини табриклайман. Яхши ўйин ўтказдик. Рақиб Про-лига клуби эди, бизга яхши қаршилик кўрсатишди. Учрашувни тўлиқ назорат қилишга уриндик, деярли шундай бўлдм. Ғалаба жамоа учун мотивация бўлади. Яна бир бор барчани ғалаба билан табриклайман.

- Иккинчи бўлим бошиданоқ ўзгаришларга сабаб нима?

- Ўйинда тезкорликни кучайтиришимиз зарур эди. Кўрдингиз, тез ҳаракат қиладиган футболчиларни майдонга ташладик. Ўйинимиз янада кучайди, назоратни қўлимизга олдик.

- Клубда қарздорликлар борлиги ҳақида гап-сўзлар юрибди. Бунга муносабатингиз қандай?

- Жамоанинг ҳар бир аъзоси профессионал кайфиятда бўлиши керак. Индивидуал суҳбатларда, йиғилишларда йигитларга буни тушунтирамиз.

- Санжар Қодирқуловнинг голи сизга маъқул келдими?

- Албатта, бу гол жуда чиройли чиқди. Таъкидлаш жоиз, голда ижрочининг маҳорати алоҳида аҳамият касб этди.

Ҳавола :

Манба : championat.asia

Янгиликларни Телеграмда ўқинг!

Рейтинг: +4