Виталий Левченко: "Ифлос футбол?" Мен бундай кўрсатма бермаганман"

Ўйин ҳақида

"Яхши ўйин бўлди. "Насаф" ташаббусга эга бўлди, биз атайин тўпни рақибга бердик ва иккинчи рақамда, қарши ҳужумларда ўйнашга қарор қилдик. Сўнгги дақиқаларда гол ура олдик. 

"Насаф"да 1-2 та вазият бўлди, аммо улардан фойдалана олишмади. Балки бугун омад ҳам кулиб боққандир. Кетма-кет учта мағлубиятдан кейин йигитлар билан гаплашиб олдик ва хатоларни таҳлил қилдик", - деди Виталий Левченко. 

- "Нефтчи" ўйиндан аввал лигада қолишини биларди, аммо жамоаиниз худди финалдек ҳаракат қилишди...

- Биз бу ерга курашиш учун келгандик. Сабаби мусобақа жадвалини кўргандингиз, биздан аввал тугаган учрашувлардан қатъий назар мотивация кучли эди. Натижаларни эшитганимиздан кейин елкамиздан тоғ ағдарилди ва йигитлар экин ўйнашди. 

- "Истиқлол"да ишлагангизда ҳам, "Нефтчи"даги олдинги ўйинларда ҳам чиройли футбол намойиш этарди. Аммо бугун айниқса биринчи таймда "ифлос футбол" намойиш этилди. Ҳатто қайсидир футболчининг оёғи синиб кетса ҳам бунчалик қаттиқ бақирмайди...

- Бу саволингизга жавоб бера олмайман. Шахсан мен уларга ётиб олиш бўйича кўрсатма бермаганман, ишонинг. Аксинча футболчиларга тартибли ўйнаш бўйича кўрсатма бергандим. 

- Бошқа жамоа сизларга бугунги ютуқ учун мукофот пули таклиф қилгани ҳақида миш-мишларни эшитдик...

- Бизда стандарт вазият эди. Мусобақа жадвалида қаерда эканимизни кўрдингиз. Шу боис ўз мақсадларимизни бажариш учун ўйнадик холос. 

- Кейинги йилги вазифа ва мақсадлар қандай? 

- Ҳозирча бу ҳақда билмайман, барчаси вилоят ҳокими билан учрашувдан кейин маълум бўлади. Мен келганимида олдимга лигада қолиш вазифаси қўйилганди. Кейинги йил нима бўлишини энди биламиз.