Виталий Левченко: "Ғалаба қозонган бўлсак-да, кўплаб хатоларга йўл қўйдик"
21 авг 2025 22:16
Янгиликлар

Виталий Левченко: "Ғалаба қозонган бўлсак-да, кўплаб хатоларга йўл қўйдик"

Суперлиганинг 20-тури доирасида "Нефтчи" - "Машъал" баҳси якунланганидан кейин мезбонлар бош мураббийи Виталий Левченко матбуот анжуманида иштирок этди.

- Гарчи ҳисоб бизнинг фойдамизга бўлса-да, ўйин жуда асабий ўтди. Афсуски кўплаб хатоларга йўл қўйдик. Буни тўғрилаш керак. Бироқ уч очкога эга чиққанимиздан хурсандман. Олдинга ҳаракатланишда давом этамиз.

- "Пахтакор"га қарши ўйингача кўп вақт бор. Унгача жамоа ўртоқлик ўйинларида қатнашадими?

- Ҳа, албатта. Ҳозир бир қанча жамоалар билан музокаралар кетмоқда. Ҳаммаси аниқ бўлганидан кейин клуб матбуот хизмати буни эълон қилади. Яширадиган ҳеч нарса йўқ.

- Бугун Владимир Йовович иккинчи таймда майдонга тушди. Унинг ўйинига қандай баҳо берасиз?

- Буни омма олдида айтиш ниятим йўқ. Бу ички ишларга киради. Қисқача айтиш керак бўлса, унинг ҳали ишлайдиган жиҳатлари кўп.