Виталий Левченко: "Бугун тўп назоратига урғу қаратдик"
11 апр 21:26
Янгиликлар
Виталий Левченко: "Бугун тўп назоратига урғу қаратдик"
Ўйин ҳақида
- Ўйинни яхши бошладик ва тўп назоратига катта урғу қаратдик. Иккита гол ҳам урдик, аммо тайм охирида бироз бўшашдик ва гол ўтказиб юбордик. Рақиб хатоларидан унумли фойдаланиш ҳақида йигитларга кийиниш хонасида айтдим. Иккинчи бўлимга катта ишонч билан чиқдик ва ғалабага муносиб ўйнадик. Жамоамиз вакиллари ва мухлисларимизни ғалаба билан табриклайман.
- Бугун "Нефтчи"дан ротация кутгандик. Лекин бу сезиларли даражада амалга ошмади ...
- Жамоамиздаги кўп футболчилар янги, шу боис ўзаро тушуниш яхшиланиши учун кўпроқ бирга ўйнаш керак. Бизда ҳар бир футболчи ўйинга тайёр бўлиши керак. Асосий таркиб ёки захира таркиб сифатида ҳеч кимни ажратмаймиз. Натижа керак, бунинг учун ким лойиқ бўлса, майдонга туширамиз. Машғулотларда кузатамиз, хулосалар шундан келади.
- 15 апрель куни "Навбаҳор" билан ўйнайсизлар. Шу ўйинда таркиб қандай бўлади?
- Ушбу санага қадар ҳозирча вақтимиз бор. Машғулотларда ким қанчалик тайёр эканини кўриб оламиз. Якуний хулоса энг охирида бўлади.
- Йововичнинг ҳолати қандай?
- Ўтган баҳсда жароҳат олганди. Таваккал қилишни истамадик ва дам бердик. У бизга ҳар доим керак. Унинг жароҳати биз учун ёқимли эмас. Кўрамиз, кейинги ўйинга қадар тўлиқ тикланиб улгурса, майдонга қўямиз.
Ўхшаш янгиликлар
championat.asia
ОЧЛ-2. Ҳакамга тиббий ёрдам кўрсатилган ўйинда "Андижон" 3-марта 0:0 ҳисоби қайд этди. Бу галги рақиб – "Ал Ҳалдия"
Арда Гюлер: "Алонсо дарвозада турасан деса, қўлқоп сотиб оламан"
Суперлига. "Пахтакор" финал олдидан меҳмонда "Хоразм"ни енгди, икки жамоа ўйинни 10 киши тугатди
Суперлига. "Қизилқум" ўз майдонида "Динамо" устидан ишончли ғалабага эришди
Фикрлар