Веско Стешевич: "Дастлабки 25 дақиқаликни жуда ёмон ўтказдик"
31 май 23:35
Янгиликлар

Веско Стешевич: "Дастлабки 25 дақиқаликни жуда ёмон ўтказдик"

Суперлиганинг 10-туридан ўрин олган ОКМК - "Металлург" (1:0) учрашувидан сўнг меҳмонлар бош мураббийи Веско Стешевич матбуот анжуманида иштирок этди.

Ўйин ҳақида

- Учрашувни ёмон бошладик. Дастлабки 25 дақиқа давомида жамоамиз умуман ўзига ўхшамади. Шу вақтга келиб жамоамиз озроқ жонланди. Бироқ, мезбонлар дарвозамизга тўп киритиб, кийиниш хонасига ҳисобда олдинда бўлган ҳолда кириб кетишди.

Иккинчи бўлимда ўйинимиз кучайди, ҳужумлар ташкил этдик. Аммо, юзага келган имкониятлардан фойдалана олмаганимиз мағлубиятга сабаб бўлди.

- "Металлург" одатда мавсумни яхши бошлар эди. Бу йили эса ҳозиргача атиги 5 очко жамғара олди холос. Бунинг сабаби нимада?

- Албатта, бу ҳақиқат. Ҳозир бизнинг натижаларимиз ҳеч кимни қониқтирмайди. Балки омад етишмаётгандир. Биз камчиликлар устида ишлаб, натижаларимизни яхшилаш учун ҳаракат қиламиз.

- Бекободлик мухлисларга айтар сўзингиз борми?

- Мен мухлисларни тушунаман. Бу каби натижалар уларга ёқмаслиги аниқ. Бугун ҳам мағлуб бўлдик. Натижаларимиз жуда-жуда ёмон. Бироқ, бу футбол ва биз ишлашда давом этамиз. Олдиндаги ўйинларга жиддий тайёрланиб, мухлисларимизга кутилган ғалабаларни тақдим этмоқчимиз.

Ҳавола :

Манба : championat.asia

Янгиликларни Телеграмда ўқинг!

Рейтинг: -3