Веско Стешевич: "Бунёдкор" битта вазиятидан гол уриб кетди"

Ўйиндан кейин матбуот анжумани бўлиб ўтди ва унда меҳмонлар устози Веско Стешевич фикрлари билан ўртоқлашди. 

"Бунёдкор"ни ғалаба билан табрийлайман. Футбол шундай ўйинки, уни 90 дақиқа ўйналади. Ўйлашимча, биз рақибдан яхшироқ ҳаракат қилдик. Бироқ битта эпизодни деб гол ўтказиб юбордик ва очко йўқотдик. Жуда алам қилади. Курашни давом эттирдик ва охирги дақиқагача ҳисобни тенглаштиришга ҳаракат қилдик. Бироқ буни уддалай олмадик.

Бугунги ўйинга келсак, биз ёмон ўйнамадик деб ўйлайман. Ўтган турда Термизга қарши беллашувда ҳам шогирдларим ёмон ўйин кўрсатмаганди. Агарда сиз кўрган бўлсангиз, "Бунёдкор"да ҳам, "Сурхон"да ҳам биттадан вазият бўлди ва улар гол уриб кетди. 

Афсуски, биз ўз вазиятларимизни голга айлантира олмаяпмиз. Бугун Забихилло Ўринбоевнинг йўқлиги сезилди. Шунингдек, Ғофурбеков ҳам йўқ эди. У соғлиғи билан муаммо туфайли ўйин охиридагина захирадан майдонга тушди. 

Ҳисоб рақиб фойдасига, лекин ўйин борасида биз рақибдан қолишмадик. Жамоанинг ўйинида пасайиш бор деган фикрга қўшилмайман", - деди Веско Стешевич.