“Мбаппе албатта, Анрининг айнан “нусха”си эмас. Аммо у потенциал жиҳатдан Тьеррига жуда ўхшаш. Агар ўз даражасини 2-3 йил давомида бир маромда сақлай олса, янги Анрига айланиши мумкин.
18 ёшли Мбаппе “Монако” тарихида асосий таркибда дебют қилган энг ёш футболчи ҳисобланади ( 2015 йилнинг 2 декабрида). Шунингдек, у “монегасклар” сафида гол урган энг ёш футболчи бўлиб, бу борада у Анрининг рекордини янгилаган. Куни кеча Франция кубоги баҳсларида Мбаппе битта гол уриш билан бирга тўпга ассистентлик қилди.
Жорий мавсумда у жамоа таркибида барча турнирларда 20 та учрашув ўтказиб, 6 та гол урган ва бешта голга ҳаммуаллифлик қилган.
