Варан: “Реал”ни тарк этганимдан афсусланмайман”

“Йўқ, асло йўқ. Футболда ўзингга чақирув ташлашинг керак ва ривожланишга интилиш лозим. Битта клубдаги 10 йиллик фаолиятимдан кейин янги тажрибага эга бўлишни хоҳладим.

АПЛ – шунчаки фантастика, МЮ эса буюк клуб. Қароримдан ҳеч қандай шубҳам йўқ эди.

Олдинда янги мавсум, янги старт. Ишонч энг асосийси, биз эса уни бир нечта ўйинни бой берганимизда йўқотиб қўйдик. Бироқ, бизда улкан имкониятлар бор деб ҳисоблайман.

Янги мураббий анча позитив кўринишда. У энергия ва юқори прессингни талаб қилмоқда. Эҳтимол бу агрессивроқдир, аммо бизга ҳақиқатан бундай футбол жуда ёқади, шу туфайли бошланиши яхши”, дейди француз.