Ван Перси ёшларга имкон бермоқчи, у мавсум охирида фаолиятини якунлайди
09 мар 2019 17:47
Янгиликлар

Ван Перси ёшларга имкон бермоқчи, у мавсум охирида фаолиятини якунлайди

Голландиянинг “Фейеноорд” клуби ҳужумчиси Робин ван Перси жорий мавсум якунланганидан сўнг, фаолиятини тугатиши ҳақида маълум қилганди.

Футболчи бу қароридан қайтмоқчи эмас ва бунга изоҳ берди.

“Мен фикримни ўзгартирганим йўқ. Жамоамизда иқтидорли ёш ўйинчилар бор. Ўйлашимча, уларга имкон бериш керак. “Фейеноорд” мен учун хайрлашув учрашуви ташкил қилишга тайёр. Мазкур ўйин ўтказиладиган кун эса менинг қароримга боғлиқ. Клубнинг менга нисбатан кўрсатаётган эътибори таҳсинга сазовор.” – дея 35 ёшли футболчининг сўзларини келтиради Algemeen Dagblad.

Ван Перси жорий мавсум Голландия чемпионатининг 19та ўйинида қатнашиб, 14 бора рақиблар дарвозасини ишғол қилган ҳолда 4 марта голли узатмани амалга оширган.

Ҳавола :

Манба : Algemeen Dagblad

Янгиликларни Телеграмда ўқинг!

Рейтинг: +11