Валижон Раҳимов: "Ҳакамлар бугун жуда ғалати қарорларни қабул қилди"

Олмалиқда АГМК - "Насаф" (0:2) ўртасида кечган баҳс том маънода финал олдидан финал мақомига ҳақли бўлди. Лекин сўнгги дақиқаларда ҳакамлар томонидан қабул қилинган қарорлар турлича талқин қилинди. Мазкур ўйиндан кейин АГМК дарвозабони Валижон Раҳимов фикрларини билдирди. 

"Биз  "Насаф" билан ўйинга жуда кўп тайёргарлик кўрдик. Нафақат бу баҳсга, балки барча ўйин учун қанчадан қанча инсонлар меҳнат қилади. Ҳакамлар эса ўйинга келишади хуштагини чалиб учрашувни бошлаб, хуштаг билан якунлаб яна уйига бориб мазза қилиб яшайверади. Бугунги беллашув чемпионат доирасида бўлганда ҳам майли эди. Бу ерда финал йўлланмаси турибди. VAR факат бир жамоа фойдасига ишлади. Тўғриси ҳакамлар жуда ғалати қарорларни қабул қилди. Ҳакам ўйинни ҳис қилиши, вазиятни ўз қўлига олиши керак. Футболчи ўзини тепага отиб йиқилаверса, пенальти белгиланаверадими? Бугун ҳакам хато қилмаганида ғолиб пенальтилар сериясида аниқланиши керак эди",- дейди Валижон Раҳимов.