Вадим Афонин: “Насиб қилса сафардан очко билан қайтамиз”
11 ноя 2016 15:40
Янгиликлар

Вадим Афонин: “Насиб қилса сафардан очко билан қайтамиз”

Ўзбекистон миллий терма жамоаси “Пахтакор” стадионида Иордания терма жамоаси билан ўртоқлик учрашувини ўтказди ва кичик (1:0) ҳисобида ғалаба қозонди.

Учрашувдан сўнг терма жамоамиз футболчиси Вадим Афонин баҳс ҳақида ўз фикрларини билдирди.

“Биз Иордания терма жамоаси устидан кичик ҳисобда ғалабага эришдик. Мазмунли ўйин кўрсатдик ва мухлислар ҳам бундан мамнун бўлди, деб ўйлайман. Рақибларимиз ҳам кучли ўйин кўрсатишди. Уларда индивидуал маҳоратга эга бўлган футболчилар бор. Иорданияликлар тўпни яхши назорат қила олишди. Жаҳон чемпионати 3-саралаш босқичи доирасидаги навбатдаги турда сафарда Жанубий Корея терма жамоаси билан беллашамиз. Иордания билан бўлган баҳс биз учун Кореяга қарши учрашув олдидан яхшигина тайёргарлик вазифасини ўтаб берди. Насиб қилса сафардан очко билан қайтамиз. Фақат ғалаба қозониш учун майдонга тушамиз”, - дейди Вадим Афонин.

Жаҳонгир Сотволдиев

Ҳавола :

Манба : championat.asia

Янгиликларни Телеграмда ўқинг!

Рейтинг: +45